بىلەكتىڭ كۇشى

ەلىمىزدە قول كۇرەسىنەن الەم چەمپيوناتى ءوتتى ەڭ ەجەلگى سپورت ءتۇرىنىڭ ءبىرى – قول كۇرەسى الەم­دىك سپورت تىلىندە ارمرەستلينگ دەپ اتالادى. ال الماتىدا ءبىرىنشى رەت 30 قاراشا-3 جەلتوقسان ارا­­لىعىندا قول كۇرەسى بويىنشا الەم چەم­پيو­نا­تى ءوتتى. الدىن-الا بەلگىلى بولعانىنداي, بۇل ساي­ىس­قا 47 مەملەكەتتەن 1500 سپورتشى, مۇنان بولەك 200-گە تارتا جاتتىقتىرۋشى مەن باسقا دا باپكەرلەر قاتىستى. بىردەن ايتا كەتۋ كەرەك, بۇل جارىستا الەمدىك ارمرەستلينگ سايىسىنىڭ 33-ءشى باس جۇلدەسىن رەسەي قۇ­را­ما كومانداسى جەڭىپ الدى. ەكىنشى ورىن – قازاقستان كو­مانداسىنىڭ قانجىعاسىنا بايلانسا, ءۇشىنشى ورىن­دى – ۋكراينا سپورتشىلارى يەمدەندى. ەگەر ءدال وسى كۇندەرى سپورتسۇيەر قاۋىم اقپا­رات­تاردى اقتارىستىرىپ, سايت­تاردى ءسۇزىپ شىعار بولسا, الماتىدا وتكەن الەم چەم­پيوناتىنا قا­تىس­قان ەل­دەر­دىڭ بۇقارالىق اقپارات قۇرالدارى ءوز سپورت­شى­لارىنىڭ جەتىستىكتەرىن جاھانعا جار سا­لىپ, جاريالاپ جاتقانىن كورگەن بولار ەدى. بۇل كۇندەرى سايىستىڭ باس جۇلدەسىن جەڭىپ ال­عان رەسەيلىكتەردىڭ دە, قولا جۇلدە يەگەرلەرى ۋك­راين­دىقتاردىڭ دا قۋانىشىندا شەك جوق. ولار­دىڭ بەل ورتاسىنان كورىنگەن كۇمىس جۇلدەلى قا­زاقستان كو­­­­مان­­­داسى دا قول كۇرەسىنەن وسال ەمەستىگىن وسى جولى انىق كورسەتتى. كورشى قىرعىز­دار­دىڭ ءوزى توعىز مەدال جەڭىپ العانىن ماقتا­نىشپەن مالىمدەپ وتىر. الەم چەمپيوناتى الدىمەن جاسوسپىرىمدەر, ارداگەرلەر مەن مۇمكىندىگى شەكتەۋلى سپورتشى­لار­دىڭ سايى­سىنان باستالعانىن ايتا كەتۋ كەرەك. ءمۇم­كىن­­­دىگى شەكتەۋلى سپورتشىلار اراسىنداعى ساي­ىستىڭ جاي-جاپسارىن رەسەيلىك ارمرەستلەر رۋس­لان مامەتوۆتەن ارتىق بىلەتىن جان جوق. رەسەي فەدەرا­تسيا­سى­نىڭ ەڭبەك سىڭىرگەن سپورت شەبەرى رۋسلان مامەتوۆ – ون دۇركىن الەم چەمپيونى. ءتىپتى 11 رەت قاتارىنان ەۋروپا چەمپيوناتىنىڭ باس ءجۇل­­دەسىن باسقاعا بەرمەگەن بىلەكتى سپورتشى قا­زاق­ستانداعى الەم چەم­پيو­ناتى جوعارى دەڭگەيدە ءوتتى دەپ ەسەپتەيدى. كەرىسىنشە, الەمدىك ارمرەستلينگ فەدەراتسيا­سى­نىڭ ۆيتسە-پرەزيدەنتى مۇحامەدوللا اعزاموۆ بۇل ساي­ىستى مۇنان دا جاقسى ۇيىمداستىرۋعا بو­لاتىن ەدى دەپ وي­لايدى. سەبەبى, قازاقستان وليم­پيا­دالىق ەمەس وسى سپورت ءتۇرىن قولداۋعا ۇلكەن قاراجات بولۋگە اسى­عار ەمەس. ونىڭ ايتۋىنشا, قول كۇرەسى سايىسى تۋريزم جانە سپورت مينيسترلىگى نازارىنا تەك ەكى جىل بۇرىن عانا ىلىككەن. الايدا, وسىعان قارا­ماستان, قازاق­ستان­­­دىق سپورت­­­شىلار ارم­رەست­لينگ بويىنشا الەمدىك كوش­­باسشىلار قاتا­رىنان كورىنىپ وتىر. قازاقستاننىڭ تاعى ءبىر كەمشىلىگى – قول كۇرەسى سپورتى مۇمكىندىگى شەك­تەۋلى جان­دار, ياعني مۇگەدەكتەر اراسىندا كەڭىنەن تاراماعان. سونىمەن, قازاقستان كومانداسىنىڭ جۇلدە قور­جىنىنا العاشقى التىندى جاسوسپىرىمدەر ارا­سىندا ماعجان شاميەۆ سالدى. جارتىلاي فينالدا رەسەيلىك قارسىلاسىن ەڭسەرگەن م.شاميەۆ شەشۋشى سايىس­تا سلوۆاك سپورتشىسىنان باسىم ءتۇستى. جالپى, قا­زاق­ستاندىقتاردىڭ قورجىنىندا 19 ال­تىن مەدال بار. سونىمەن, قول كۇرەسىنەن كەلەسى الەم چەمپيو­نا­تى برازيليادا وتەتىن بولادى. ايناش ەسالي. الماتى.