فوتو: ورىنباي بالمۇرات, «ەگەمەن قازاقستان»
وسى جيىندا ايتىلعانداي, ەلوردا ەكونوميكاسىنداعى شاعىن جانە ورتا بيزنەستىڭ ۇلەسى 57,4 پايىزدى قۇراپ, وتكەن جىلمەن سالىستىرعاندا 12 پايىزعا ارتقان. بۇل باعىتتا ينۆەستيتسيا كولەمى دە 10 پايىزعا ۇلعايىپ, 944 ملرد تەڭگەگە جەتتى. جالپى, قالادا 100,8 مىڭ كاسىپكەرلىك سۋبەكتىلەرى تىركەلگەن, وندا 325,2 مىڭ ادام جۇمىس ىستەيدى. ەسكەرەتىنى كاسىپكەرلەردىڭ باسىم بولىگى ساۋدا سالاسى, سەرۆيستىك قىزمەت كورسەتۋمەن اينالىسادى.
استانا قالاسى كاسىپكەرلەر پالاتاسىنىڭ ديرەكتورى عاني تاسماعانبەتوۆ ءوندىرىس وشاقتارىنىڭ سانىن ارتتىرۋ ماقساتىندا كەلەر جىلدان باستاپ باس قالادا بىرەگەي جوبا ىسكە قوسىلاتىندىعىن مالىمدەدى. ونىڭ ايتۋىنشا, 2020 جىلى كولەمى 440 گەكتار جەردى قامتيتىن ەكىنشى يندۋستريالىق ايماقتى قۇرۋ جوسپارلانىپ وتىر. شاعىن جانە ورتا كاسىپكەرلىككە ارنالعان دايىن ءوندىرىس ورىندارىندا ەكونوميكانىڭ تەتىگى سانالاتىن بارلىق سالالار قامتىلادى دەپ كۇتىلۋدە. باستاما جۇزەگە اسسا 18 مىڭ حالىق جۇمىسپەن قامتىلىپ, شاعىن جانە ورتا بيزنەستە 130 كاسىپورىن ىسكە قوسىلماق.
ۇلتتىق كاسىپكەرلەر پالاتاسى بۇگىنگى تاڭدا ەلىمىزدەگى كاسىپكەرلەردى قولداپ, ولاردىڭ ءىسىنىڭ وڭعا باسۋىنا دانەكەر بولىپ وتىرعاندىعى بەلگىلى. «اتامەكەن» پالاتاسىنىڭ 2013-2017 جىلدار ارالىعىندا كاسىپكەرلىكتى قورعاۋ باعىتىندا بيزنەس وكىلدەرىنەن 22 مىڭنان استام ءوتىنىش ءتۇسىپ, ونىڭ 40 پايىزدان استامى وڭ شەشىمىن تاپقان. ناتيجەسىندە, ايىپپۇلدار مەن مەملەكەتتىك ورگانداردىڭ كاسىپكەرلەرگە قايتارعان قارجىسى, بيزنەستىڭ قورعالعان دۇنيە-مۇلكىنىڭ قۇنى 92 ملرد تەڭگەنى قۇراعان. ال قالا بويىنشا 312 شاعىم ءتۇسىپ, ونىڭ 100-گە جۋىعى كاسىپكەرلەر پايداسىنا شەشىلگەن. جالپى ءبىر جىل ىشىندە كاسىپكەرلەرگە اراشا ءتۇسۋدىڭ ارقاسىندا 4,77 ملرد تەڭگە ۇنەمدەلىپ وتىر.
− استانا قالاسى كاسىپكەرلەر پالاتاسى وندىرۋشىلەرمەن كەزدەسىپ, تۋىنداعان تۇيتكىلدى ماسەلەلەردى شەشۋ جولدارىن قاراستىرادى. بۇگىنگى تاڭدا كوپتەگەن كاسىپورىنداردا ءوز ونىمدەرىن ساتۋدا قيىندىقتار تۋىندايدى. وسى ورايدا مەملەكەتتىك ساتىپ الۋدى رەتتەيتىن ارنايى كوميسسيا بار ەكەندىگىن, وعان 200-دەي كاسىپكەر كەلىپ, ءوز ونىمدەرىن ساتۋ ماسەلەسىن جولعا قويعاندىعىن ايتقىم كەلەدى. وتكەن جىلى 2 ملرد تەڭگەگە ۇسىنىس بەرىلسە, بيىلعى جىلى 3 ايدىڭ ىشىندە 400 ملن تەڭگەگە وتاندىق كاسىپكەرلەردىڭ ونىمدەرىن الۋعا ۇسىنىس بەرىپ وتىرمىز, – دەدى عاني تاسماعانبەتوۆ.
بۇعان قوسا, پالاتا ۇسىنعان جەتى باستامانى تىلگە تيەك ەتكەن ول جەر ۋچاسكەلەرى, ەلەكتر قۋاتى جانە ينجەنەرلىك-كوممۋنيكاتسيالىق جەلىلەرگە قوسىلۋ تۋرالى اقپاراتتى ونلاين الۋ مۇمكىندىگى بارىن ەسكە سالدى. قازىرگى ۋاقىتتا وسى باعىت بويىنشا استانا قالاسى ساۋلەت جانە قالا قۇرىلىس باسقارماسىنىڭ www.saulet.astana.kz جانە www.genplan.saulet.astana.kz سايتتارىندا ينتەراكتيۆتى كارتا ورنالاستىرىلعان. كارتاعا استانا قالاسىنىڭ باس جوسپارى مەن تۇبەگەيلى جوسپار جوباسى, تىركەلگەن جەر ۋچاسكەلەرى, بوس جەر ۋچاسكەلەرى, اۋكتسيونعا شىعارىلاتىن جەر ۋچاسكەلەرى, قىزىل سىزىق جانە تاعى باسقا اقپاراتتار ەنگىزىلگەن.
قالا ىشىندە ساۋدا-ساتتىق جاساۋ جانە قوعامدىق تاماقتانۋ بويىنشا 600 ورىن كاسىپكەرلەرگە بەرىلىپتى. جالپى, قازاقستاندا «كوشە ساۋداسى – 1000 ساۋدا ورنى», «ASTANA TAXI», «گاز, جانار-جاعارماي جوباسى», «5 مىڭ توننالىق كوكونىس ساقتاۋ قويماسى», «ساپارجاي-استانا» جشس, «تسەلينسەلماش استانا» جشس جەكەشەلەندىرۋ جوباسى», «استانا ازىق-ت ۇلىك بەلدەۋىن قامتاماسىز ەتۋ» سىندى جوبالاردىڭ ءساتتى ىسكە اسقاندىعىن ۋاقىت كورسەتىپ وتىر.
ەركەجان ايتقازى,
«ەگەمەن قازاقستان»
