سولاردىڭ ەڭ باستىلارى بۋراباي, قورعالجىن جانە زەرەندى اۋداندارىندا شوعىرلانعاندىعىن ايتا كەتكەن ءجون. كوكشە جەرى تابيعاتى سۇلۋ ءوڭىر عانا ەمەس, سونىمەن قاتار رۋحاني قۇندىلىقتارعا دا باي ولكە سانالادى.
وبلىستىق ىشكى ساياسات باسقارماسىنىڭ مامانى, «رۋحاني جاڭعىرۋ» باعدارلاماسىنىڭ ءوجو باس مەنەدجەرى اسەم ازىرباەۆانىڭ مالىمەتىنە قاراعاندا, «رۋحاني جاڭعىرۋ» باعدارلاماسىنىڭ «تاربيە جانە ءبىلىم» كىشى باعدارلاماسى بويىنشا 24 شاعىن جوبا جانە «رۋحاني قازىنا» بويىنشا 79 جوبا ىسكە اسۋدا. بۇدان باسقا, ۇلتتىق داستۇرلەر مەن قۇندىلىقتاردى, ىشكى ءتۋريزمدى دامىتۋ جونىندەگى ءىس-شارالار, سونداي-اق «اتامەكەن» كىشى باعدارلاماسى بويىنشا 4 جوبا قاراستىرىلعان. رەتى كەلگەندە «قازاقستاننىڭ 100 قاسيەتتى ورنى» رەسپۋبليكالىق تىزىمىنە اقمولا وبلىسى بويىنشا 10 نىسان ەنگەندىگىن ايتا كەتۋ كەرەك. بۇل رەتتە وبلىستىق مادەنيەت باسقارماسىنىڭ باسشىسى ساۋلە بورىباەۆا ەرەيمەنتاۋ اۋدانى اۋماعىنداعى قۇماي بىرەگەي ارحەولوگيالىق جانە ەتنوگرافيالىق كەشەنىن ەرەكشە اتاپ كەتتى. ويتكەنى مۇندا قولا ءداۋىرى, ەرتە تەمىر ءداۋىرى سياقتى دامۋدىڭ كەزەڭدەرى ساقتالعان. سولاردىڭ ىشىندەگى ەڭ ماڭىزدىسى, ول I-VI عاسىرلارعا دەيىنگى باتىس تۇرىك قاعاناتى كەزەڭىنىڭ تاس مۇسىندەرى سانالادى. سونداي-اق وڭىرىمىزدە «اتامەكەن» كىشى باعدارلاماسى شەڭبەرىندە 2017 جىلى 4,8 ميلليارد تەڭگە سوماسىندا بىرنەشە مادەني, تاريحي جانە الەۋمەتتىك نىسانداردى قايتا قۇرۋ جانە سالۋ باعىتىندا 57 جوبا قولعا الىنىپ, جۇزەگە اسىرىلدى.
اسقار تۇراپباي ۇلى,
«ەگەمەن قازاقستان»
اقمولا وبلىسى
