قر پرەزيدەنتىنىڭ «التىن ساپا» سىيلىعىن يەلەنۋگە ارنالعان بايقاۋعا جانە «قازاقستان ۇزدىك تاۋارى» رەسپۋبليكالىق كورمە-بايقاۋىنا ءوتىنىم قابىلداۋ باستالدى.
بيىل «التىن ساپا» بايقاۋىنىڭ ۇيىمداستىرىلۋىندا بىرقاتار وزگەرىس بار. جەڭىمپازدارعا العاش رەت 450 اەك, ياعني 1 ملن 82 مىڭ تەڭگە كولەمىندە اقشالاي سىيلىق تابىستالاتىن بولدى. كاسىپكەرلەر ۇتىپ العان قاراجاتتى قالاۋلارىنا قاراي حالىقارالىق ساپا بايقاۋلارىنىڭ, ونىڭ ىشىندە تاۋەلسىز مەملەكەتتەر دوستاستىعىنىڭ وندىرۋشىلەرى اراسىندا ءونىم مەن قىزمەت كورسەتۋ ساپاسىنىڭ ۇزدىگى اتانۋ بايقاۋىنا قاتىسۋ شىعىنىن وتەي الادى.
«التىن ساپا» بايقاۋىندا اۋىل شارۋاشىلىعى ءونىمىن وندىرۋشىلەرگە ارنالعان اتالىم مەن «ۇزدىك يندۋستريالىق جوبا», «ۇزدىك يننوۆاتسيالىق جوبا» ارنايى سىيلىقتارى بەكىتىلدى. وسىلايشا, بيىل وتاندىق 14 كومپانيا «التىن ساپا» جەڭىمپازدارى اتانا الادى. الماتى قالاسىنىڭ وندىرۋشىلەرى ادەتتە «التىن ساپا» بايقاۋىندا بىرنەشە جۇلدەلى ورىندى يەلەنەدى. ءبىزدىڭ قالادا بيزنەس ايتارلىقتاي دامىعان, تيىسىنشە وتاندىق نارىقتا كوشباسشى بولىپ, ءتىپتى ۇزدىك ەكسپورتتاۋشى اتانعان تانىمال كومپانيالار دا كوپ», - دەيدى الماتى قالاسى كاسىپكەرلەر پالاتاسىنىڭ ساراپشىسى ليۋبوۆ الەكسەەۆا.
«التىن ساپا» بايقاۋىنا زاڭدى تۇلعالار دا, جەكە كاسىپكەرلەر دە قاتىسا الادى. بايقاۋ ۇيىمداستىرۋشىلارى اتالىم مەن ساناتتى تاڭداۋدا شاتاسپاۋعا كەڭەس بەرىپ وتىر.
ء«ار اتالىمدا سانات بويىنشا ءۇش سىيلىق بار: شاعىن, ورتا جانە ءىرى بيزنەس. «وندىرىستىك ماقساتتاعى ۇزدىك كاسىپورىن» اتالىمىندا شاعىن بيزنەس سۋبەكتىسى مۇلدەم جوق. ورتا مەن شاعىن اراسىن تاڭداي وتىرىپ, ءوزىڭدى شاعىن بيزنەسكە جاتقىزعان ءجون. ال حالىققا ارنالعان تاۋارلار سەكتورىندا شاعىن بيزنەس وكىلدەرى وتە كوپ. مۇندا ساپا مەنەدجمەنتىنىڭ جۇيەسى بولعانىنا اسا ءمان بەرىلەدى», – دەدى «اتامەكەن» قر ۇكپ شاعىن جانە ورتا بيزنەستى دامىتۋ دەپارتامەنتى ديرەكتورىنىڭ ورىنباسارى سالتانات ابدىكارىموۆا.
سالتانات ابدىكارىموۆانىڭ ايتۋىنشا, بايقاۋدا جەكە پاتەنتتى يەلەنۋ, ءتۇرلى نوۋ-حاۋ دايىنداۋ, حالىقارالىق كورمە مەن بايقاۋعا قاتىسۋ ءارى جەڭىمپاز اتانۋعا ارتىقشىلىق بەرىلەدى. قۇجات دايىنداعاندا 38 پاراقتان اسپاۋ كەرەك دەگەن ءليميتتى ساقتاپ, وندىرىستىك بازانىڭ سۋرەتتەرىن دە قوسۋ كەرەك. تازا تابىستى كورسەتۋ مىندەتتى ەمەس. تابىس مىناداي جىلى 100%, ودان كەيىن 120% بولدى دەگەن كورسەتۋگە بولادى. قازىلار القاسى دامۋ ترەندىنە نازار اۋدارادى. كوميسسيا دەۆالۆاتسيانى دا ەسكەرەدى. كەيبىر كورسەتكىشتەردىڭ تومەندەۋى شەشىمگە اسەر ەتپەيدى. ەڭ باستىسى اعىمداعى جىلى سالىق قارىزى بولماۋ كەرەك. كوميسسيا بايقاۋدىڭ ءاربىر قاتىسۋشىسىنا ءونىم مەن قىزمەت كورسەتۋ ساپاسىن جاقسارتۋعا قاتىستى جەكەلەگەن ۇسىنىم دايىندايدى.
ايناش ەسالي,
«ەگەمەن قازاقستان
