ەرجۇمان وتەش ۇلى سمايىل 1948 جىلى 5 قاڭتاردا الماتى وبلىسىندا دۇنيەگە كەلگەن. قازاق مەملەكەتتىك ۋنيۆەرسيتەتىن تامامداعان. قازاقستان رەسپۋبليكاسى جۋرناليستيكا اكادەمياسىنىڭ اكادەميگى, باق سالاسىنداعى پرەزيدەنت سىيلىعىنىڭ تۇڭعىش لاۋرەاتى. سونداي-اق باۋبەك بۇلقىشەۆ اتىنداعى سىيلىقتىڭ لاۋرەاتى.
ەڭبەك جولىن «سوتسياليستىك قازاقستان» (قازىرگى «ەگەمەن قازاقستان») گازەتىنىڭ ءتىلشىسى بولىپ باستاعان.
1979-1987 جىلدارى - «لەنينشىل جاس» (قازىرگى «جاس الاش») گازەتىندە رەداكتوردىڭ ورىنباسارى; 1987-2003 جىلدارى - «ەگەمەن قازاقستان» گازەتىنىڭ ءبولىم مەڭگەرۋشىسى, رەداكتوردىڭ ورىنباسارى; باس رەداكتورىنىڭ ءبىرىنشى ورىنباسارى, باس رەداكتورى.
2003-2010 جىلدارى «ەگەمەن قازاقستان» رەسپۋبليكالىق گازەتى» اشىق اكتسيونەرلىك قوعامىنىڭ پرەزيدەنتى, ۆيتسە-پرەزيدەنتى قىزمەتىن اتقارعان.
قازاق كسر جوعارعى كەڭەسىنىڭ قۇرمەت گراموتاسىمەن ماراپاتتالعان.
بىرەر اي بۇرىن «ەگەمەن قازاقستان» گازەتىندە ەرجۇمان سمايىلدىڭ 70 جاسقا تولعاندىعى اتاپ وتىلگەن بولاتىن.
