قازاقستان نارىعىندا كوپتەگەن جىلداردان بەرى قىزمەت ەتەتىن ۇلىبرياتانيالىق «شەلل» كومپانياسى ءاۆتوموبيلدى ەكومارافونعا قاتىسۋ ءۇشىن ارنايى قۇراستىرىپ شىعارعان. ازيادا جانە ەۋروپادا ۇيىمداستىرىلاتىن مۇنداي شارا از جانار-جاعارماي جاعۋ ارقىلى ۇزاق قاشىقتىقتى باعىندىراتىن كولىكتى انىقتاۋدى ماقسات ەتەدى. ال بۇل اۆتومابيل بار بولعانى ءبىر ليتر بەنزينمەن ءجۇز شاقىرىمعا جۇرە الادى. ماكسيمالدى جىلدامدىعى – 45 شاقىرىم/ساعات. سالماعى – 295 كگ. «ياماحا» سكۋتەر موتورىمەن جابدىقتالعان كولىك گازبەن دە قوزعالا الادى.
ء«دال قازىرگى كەزدە ونىڭ باگىنا «شەلل» كومپانياسىنىڭ «اي-95» ماركالى جانارمايى قۇيىلعان. دۇنيەجۇزى بويىنشا ءاۆتوموبيلدىڭ ءتورت داناسى عانا بار. الداعى ۋاقىتتا ەكسپو قوناقتارىن مىنگىزىپ, ءارى-بەرى جۇرۋگە مۇمكىندىك بولادى. ازىرگە كوپشىلىك نازارىنا كورۋ ءۇشىن عانا ۇسىنۋدامىز. كولىكتى ءالى نارىققا شىعارىپ, ساۋدالاعان جوق. بىراق باعاسى – 30 مىڭ دوللاردىڭ شاماسىندا», دەيدى كومپانيا وكىلى قۇندىز احمەتكارىموۆا.
اسحات رايقۇل,
«ەگەمەن قازاقستان»,
سۋرەتتەردى تۇسىرگەن ورىنباي بالمۇرات, «ەگەمەن قازاقستان
