شارا – مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ۇستانىمدارى نەگىزىندە ۇلتتىق كودتى نىعايتۋ مەن ۇلتتىق سانانى وركەندەتۋ اياسىندا ءوتتى. ماراپاتتى رەسپۋبليكالىق قوعامدىق-ساياسي «پرەزيدەنت جانە حالىق» گازەتىنىڭ باس رەداكتورى, پروفەسسور, قوعامدىق اتاقتار مەن ماراپاتتار جونىندەگى رەسپۋبليكالىق كەڭەستىڭ توراعاسى مارات توقاشباەۆ تاپسىردى. «قازاق جۋرناليستيكاسىنىڭ قايراتكەرى» قۇرمەتتى اتاعىنا قازاق جۋرناليستيكاسىنىڭ قازىرگى ەڭ ۇلكەن اقساقالى – 92 جاستاعى قارت جۋرناليست ساپابەك ءاسىپ ۇلى مەن مەملەكەت جانە قوعام قايراتكەرى شەرحان مۇرتازا باستاعان الماتىلىق اعا بۋىن جۋرناليستەر يە بولدى.
اراسىندا جەرگىلىكتى باق باسشىلارى بار, بارلىعى 45 ادام كەۋدەلەرىنە «قازاق جۋرناليستيكاسىنىڭ قايراتكەرى» رامىزدىك مەدالىن تاقتى. ونەر شەبەرلەرى ءان-جىردان شاشۋ شاشىپ, ارداگەر جۋرناليستەرگە ارنايى جايىلعان ايت داستارقانى باسىندا دۇنيەدەن وتكەن بارشا قازاق جۋرناليستەرىنە باعىشتالىپ, قۇران وقىلدى.
تالعات ءسۇيىنباي,
«ەگەمەن قازاقستان»
الماتى
سۋرەتتى تۇسىرگەن اۆتور
