ۆەدومستۆو باسشىسى پارلامەنتتە باق تۋرالى زاڭ جوباسىن تانىستىردى. قۇجاتقا سايكەس, ءتىلشى تاراپىنان ساۋال العان قانداي دا ءبىر ورگان 2 تاۋلىك ىشىندە جاۋاپ بەرۋگە مىندەتتەلەدى. ال جاڭا كوتەرىلگەن ماسەلە بويىنشا قويىلعان سۇراقتار 15 كۇنگە دەيىن قاراستىرىلۋى مۇمكىن. داۋرەن اباەۆتىڭ ايتۋىنشا, مۇنداي شەشىم باق وكىلدەرىن ساپالى ءارى تولىققاندى اقپاراتپەن قامتۋعا مۇمكىندىك بەرەدى.
ايتا كەتەيىك, الداعى ۋاقىتتا ءاربىر ورگاندا باق وكىلدەرىمەن تىعىز جۇمىس جۇرگىزەتىن قىزمەتكەر بولادى.
- كوپتەگەن ۆەدومستۆو ماماندارى جۋرناليستەردىڭ جىبەرگەن سۇراقتارىن جاۋاپسىز قالدىرادى. ال كەلگەن جاۋاپتارى سىن كوتەرمەيدى. تىلشىلەر بۇعان نارازى. بۇدان بىلاي مۇنداي تۇلعالارعا زاڭدى شەشىم قابىلدانىپ, ءتىپتى جۇمىسىنان بوساتۋ تۋرالى شارالاردى قاراستىرۋعا تۋرا كەلەدى, - دەدى اقپارات جانە كوممۋنيكاتسيالار مينيسترى داۋرەن اباەۆ.
