بۇل شارا استاناداعى اقتوبەنىڭ مادەنيەت كۇندەرى اياسىندا ءوتىپ جاتىر. كورمەگە جالپى قۇنى 2,1 ملرد دوللاردان اساتىن 13 ينۆەستيتسيالىق جوبا قويىلدى.
- ءبىز شەتەل ينۆەستورلارىن اقتوبە وبلىسىندا جۇمىس ىستەۋگە شاقىرامىز. ولار ءۇشىن بارلىق جاعداي جاسالاتىندىعىن تاعى ءبىر مارتە ەسكە سالامىن. وسى كورمە ەكسپو اۋماعىندا جۇرتشىلىق نازارىنا ۇسىنىلاتىن بولادى. بىزدە وندىرىستىك, گەولوگيالىق, تۋريستىك سالانى دامىتۋعا مۇمكىندىك زور, - دەدى اقتوبە وبلىسىنىڭ اكىمى بەردىبەك ساپارباەۆ.
- ءبىز بيىل 20 ملن ەۋرونى يگەرەمىز دەپ جوسپارلاپ وتىرمىز. تەحنولوگيا يسپانياعا تيەسىلى. ال ينۆەستيتسيا گەرمانيانىكى. زاۋىت قۇرىلىسى 3 جىلعا سوزىلادى. ونىڭ قۋاتتىلىعى جىلىنا 250 مگۆ بولادى. مۇنداي جەل گەنەراتورى زاۋىتى ازىرگە بۇرىنعى كەڭەستەر وداعى قۇرامىنداعى ەلدەردىڭ ەشقايسىسىندا جوق, - دەدى United energies Aktobe جشس باس ديرەكتورى ميحاەل پاۋلس.
