قازاقستاندىق بوكسشى كەلەسى كەزدەسۋىن ارگەنتينالىق برۋنو لەوناردومەن وتكىزبەك. جەكپە-جەك 21 شىلدەدە اقش-تا وتەتىن بولدى.
ارگەنتينالىق بوكسشى بۇگىنگە دەيىن شارشى الاڭدا 25 كەزدەسۋ وتكىزىپ, ونىڭ 21-ىندە جەڭىسكە جەتسە, 18 كەزدەسۋىندە قارسىلاسىن نوكاۋتپەن ۇتقان. سوڭعى رەت ول 2015 جىلدىڭ مامىر ايىندا رايان يانگتەن ۇپاي بويىنشا ەسە جىبەرگەن. سول ۋاقىتتان بەرى ول 13 كەزدەسۋ وتكىزىپ, بارلىعىندا جەڭىسكە جەتتى.
ارگەنتينالىق بوكسشى سوڭعى رەت 2017 جىلدىڭ 14 مامىرىندا وتانداسى مارتينا الەحاندرو كۋروسكيمەن كۇش سىناسىپ, جەتىنشى راۋندتا نوكاۋتپەن جەڭدى. ال جانقوش تۇراروۆ سوڭعى رەت وسى جىلدىڭ مامىر ايىندا مەكسيكالىق گۋستاۆو گاريبايدى ءۇشىنشى راۋندتا تەحنيكالىق نوكاۋتپەن ۇتقان.
ايتا كەتەيىك, جاڭقوش دومينيكان ەلىندە توعىز, اقش-تا التى كەزدەسۋ وتكىزىپ ۇلگەردى. جەرلەسىمىز بوكس الەمىندە ءوزىن ءبىرشاما مويىنداتىپ كەلەدى.
