ۇكىمەت تۋريستەرگە قازاقستانعا كەلۋگە جاعدايلاردى بارىنشا جەڭىلدەتۋ ءۇشىن ۆيزالىق-كوشى-قون ساياساتىن ىرىقتاندىرۋ مەن اۋە قاتىناستارىن دامىتۋ بويىنشا جۇمىستاردى جالعاستىرىپ جاتىر. بۇگىنگى تاڭدا ەلگە ۆيزاسىز كىرە الاتىن ەلدەردىڭ ءتىزىمى 63 مەملەكەتكە دەيىن ۇلعايتىلدى, قحر ازاماتتارى ءۇشىن 72 ساعاتتىق ۆيزاسىز رەجيم جانە استانا اۋەجايىندا «اشىق اسپان» رەجيمى قولدانىستا. سونداي-اق, كوشى-قون پوليتسياسىندا شەتەلدىكتەردى تىركەۋ, ەلەكتروندى ۆيزالاردى ەنگىزۋ, اۋە قاتىناستارىن ءارتاراپتاندىرۋ ماسەلەلەرىن شەشۋ قاجەت.
قر پرەمەر-ءمينيسترى باقىتجان ساعىنتاەۆتىڭ تاپسىرماسى بويىنشا, قر مسم وتاندىق تۋريستىك ونىمدەر ماركەتينگىنىڭ ءتيىمدى مودەلىن ازىرلەۋدە, سونىمەن قاتار بۇل جەكە برەندتى قۇرۋ مەن ەلىمىزدىڭ تۋريستىك الەۋەتىن حالىقارالىق ارەنادا ىلگەرىلەتۋ ارقىلى جۇزەگە اسىرىلىپ جاتىر.
ۇكىمەت ماسەلەلەردى قاراۋ قورىتىندىسى بويىنشا تۋريستىك سالانى دامىتۋدىڭ 2023 جىلعا دەيىنگى تۇجىرىمداماسىن قابىلدادى.
