تەك وتكەن تاۋلىكتە تاراز قالاسى تۇرعىندارىنان وبلىستىق توتەنشە جاعدايلار دەپارتامەنتىنە جەكە تۇرعىن ۇيلەردىڭ اۋلاسىن سۋ باسۋ تۋرالى حابارلامالار تۇسكەن. ناتيجەسىندە تاۋلىك بويىنا 16 ادام, 5 بىرلىك تەحنيكا, 4 موتوپومپا كۇشىمەن 30 ءۇيدىڭ اۋلاسىنان سۋ سورۋ جۇمىسى جۇرگىزىلگەن. سونىمەن قاتار, 27 ادام جانە 2 تەحنيكانىڭ كومەگىمەن سۋ سورۋ, درەناج كانالدارىن قازۋ جانە تازارتۋ جۇمىستارى دا ناتيجەلى اياقتالعان.
بۇگىنگى تاڭدا جامبىل وبلىسىنىڭ مەنشىگىندە 102 سۋ قويماسى بار. ونىڭ 69-ى وبلىستىق «جامبىل سۋ قويمالارى» كوممۋنالدىق مەملەكەتتىك مەكەمەسىنە قارايدى. اتالعان مەكەمەنىڭ وندىرىستىك-تەحنيكالىق ءبولىمىنىڭ باسشىسى ماقسات جۇماتوۆ سۋ تاسقىنىن بولدىرماۋ جانە تۇرعىنداردىڭ قاۋىپسىزدىگىن قامتاماسىز ەتۋ ماقساتىندا بارلىق اۋداننىڭ اكىمدىكتەرىمەن ءبىرلەسىپ, ءتاۋلىكتىك كەزەكشىلىك ۇيىمداستىرىلعانىن, سوندىقتان وڭىردە ەشقانداي قاۋىپتىڭ جوقتىعىن ايتتى.
نەگىزىنەن, وبلىستاعى سۋ قويمالارىنا تالاس, شۋ جانە اسا وزەندەرىنىڭ 20-30 پايىزى كەلىپ قۇيادى. بۇگىندە بۇل وزەندەردەگى جاعداي دا تۇراقتى. سونداي-اق, قوراعاتى, تامدى, شاباقتى سياقتى شاعىن وزەندەر مەن تاۋ سۋلارىنان, بۇلاق سۋلارىنان دا كەلەر قاۋىپ جوق.
حاميت ەسامان,
«ەگەمەن قازاقستان»
جامبىل وبلىسى
