«OYLA» جۋرنا­لىنىڭ قا­زاقشا نۇسقاسى قايتا شىعاتىن بولدى

ەكى جىل بۇرىن تۇساۋى كەسىلىپ, ەكى تىلدە ءباسپاسوز نارىعىنا جول تارتقان «OYLA» جۋرنالىنىڭ قازاق ءتىلدى نۇسقاسى وقىرماندار سانىنىڭ تىم از بولۋىنا بايلانىستى كوپ ۇزاماي جارىققا شىعۋىن توقتاتقان ەدى. قازاقتىڭ قاراپايىم «ويلا» ەتىستىگىن اتاۋ ەتىپ, ورتا جانە جوعارى سىنىپ وقۋشىلارى مەن اتا-انالارعا ارنالعان عى­لىمي-تانىمدىق «وYLA»  جۋرنا­لىنىڭ ورتا جولدان توقتاعان قا­زاقشا نۇسقاسى قايتا شىعاتىن بولدى دەپ باسىلىم باسشىلىعى ءسۇيىنشى حابارىن جەتكىزدى. وقۋشىلار­دىڭ ءبىلىمىن, تا­نىمدىق دەڭگەيىن كوتەرۋدى ماقسات تۇتقان باسىلىم قازاق گەوگرافيالىق قوعامى, Chevron, ForteBank جانە «تە­ڭىزشەۆرويل» كومپانيالارى كورسەتكەن قولداۋدىڭ ارقاسىندا قازاق تىلىندەگى جۇ­مىسىن قايتا جانداندىراتىن بولىپتى. ورىس تىلىندە شىعاتىن باسىلىمدار ءنوپىرى باسىم تۇسەتىن وتاندىق نارىقتا قازاق بالاسىنىڭ ءتول تىلىندە اقپارات الۋىنا, وندا دا عى­لىمي-تانىمدىق باعىتتاعى وي-ءورىسىن كەڭەيتۋگە مۇمكىندىك بەرەتىن مۇنداي جۋرنالداردىڭ كوپتەپ شىعۋى كىم-كىمدى دە قۋان­تا­تىنى انىق. ء«بىز عى­لىم مەن تەحنولو­گيا­نىڭ ءتىلىن ۇيرەنىپ, ونى بالالارعا جەتكىزسەك دەيمىز. ويتكەنى, وسكەلەڭ ۇرپاق وقۋ مەن جا­سامپازدىقتان قورىقپاۋى قا­جەت. قازاق مەك­تەپ­تە­رىندە وقي­تىن بالالار ءۇشىن مەملەكەتتىك تىلدە اق­پا­رات الۋدىڭ ماڭىزى اسا زور. سوندىقتان OYLA جۋرنالى جاقىن ۋاقىتتا قولىنا تيەتىن وقۋشى-وقىرماندارىمىزدىڭ كوڭىلدەرىنەن شىعادى دەگەن ويدامىز», – دەدى جۋرنالدىڭ باس رەداكتورى گامزات بياروۆ. ميرا بايبەك, «ەگەمەن قازاقستان» الماتى