ۋنيۆەرسيادا الاۋى ەل ارالاپ ءجۇر

كوكشەتاۋ. ەءلىمىزدىڭ بىرنەشە وڭىرىندەگى سياقتى, 26 قاڭتاردا كوكشەتاۋ قالاسىنىڭ «تاۋەلسىزدىك» الاڭىندا اقمولا وبلىسىنىڭ اكىمى سەرگەي كۋلاگيننىڭ قاتىسۋىمەن الماتىداعى ءححVىىى دۇنيەجۇزىلىك قىسقى ۋنيۆەرسيادا الاۋىن جاعۋ ءراسىمى ءوتتى. «الاۋ ەستافەتاسىنىڭ» تۇعىرى ۇلى وتان سوعىسىندا باتىر اتاعىن ەكى مارتە العان تالعات بيگەلدينوۆ پەن كەڭەس وداعىنىڭ باتىرى مالىك عابدۋلليننىڭ ەسكەرتكىشى جانىندا ورنالاسۋى جىگەرلى حالقىمىزدىڭ رۋح قاينارىن تاسىتۋدا. كوكشە اسپانىندا مىڭ سان ەرىكتىلەر شىرقاعان «قازاقستان, العا!» ءانى قالىقتاعاندا «تاۋەلسىزدىك» الاڭى تەبىرەنىسكە بولەندى. ۋنيۆەرسيادانىڭ وڭىرلىك الاۋىن ءدۇبىرلى دودانىڭ باس كەيىپكەرى – بالاپان «سۇڭقار» جاقتى. الاۋ ەستافەتاسىنىڭ ءبىرىنشى كەزەڭىن شاڭعى سپورتىنان الەم چەمپيونى تاتيانا وسيپوۆا اسقاق كوتەرىپ, 60 الاۋگەرمەن بىرگە 12 شاقىرىمدىق مارتەبەلى مارەنى باستادى. تاڭداۋلىلار وقۋدا, عىلىمدا جانە سپورتتا ۇزدىك كورسەتكىشتەرگە جەتىپ, ايماق پەن ەلىمىزدىڭ ابىرويىن اسقاقتاتقان ساڭلاقتاردان ىرىكتەلگەن. الاۋ ەستافەتاسىنىڭ ايماقتىق كەزەڭىن قازاقستان رەسپۋبليكاسىنىڭ ەڭبەك سىڭىرگەن سپورت شەبەرى, بوكستان ۇلتتىق قۇرامانىڭ مۇشەسى, 2016 جىلعى الەم چەمپيونى, ا.مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ ستۋدەنتى دينا جولامان اياقتادى. سونداي-اق, دينا جولامان ءارى قاراي اقمولا وبلىسىنىڭ الاۋ ەستافەتاسىن الماتى قالاسىنا الىپ بارىپ, ۋنيۆەرسيادانىڭ اشىلۋ سالتاناتىنا قاتىسادى. وسى رەتتە, اقمولالىق 19 سپورتشى ۋنيۆەرسيادا باعدارلاما­سىن­داعى سپورتتىڭ 4 تۇرىنەن سىنعا تۇسەتىنىن ايتا كەتكىمىز كەلەدى. ۋنيۆەرسيادا الاۋىن جاعۋ سالتاناتى سپورتتىق, مادەني شارالارمەن جالعاستى. باقبەرگەن امالبەك, «ەگەمەن قازاقستان» قاراعاندى. دۇنيەجۇزىلىك XXVIII قىسقى ۋنيۆەرسيادانىڭ الاۋ ەستافەتاسى قاراعاندى وبلىسىندا ەلباسىمىز نۇرسۇلتان نازارباەۆ ەڭبەك جولىن باستاعان تەمىرتاۋ قالاسىندا, «ارسەلورميتتال تەمىرتاۋ» اق مەتاللۋرگيالىق كومبيناتىندا باس­تالدى. ەستافەتاعا ارنالعان سالتاناتتا وبلىس اكىمى نۇرمۇحامبەت ابدىبەكوۆ وعان قاتىسۋشىلارعا اق جول تىلەپ, يگى لەبىزىن ءبىلدىردى. ۋنيۆەرسيادا الاۋىن №2 دومنا پەشىنەن گازشى, قازاق كۇرەسىنەن سپورت شەبەرلىگىنەن ۇمىتكەر الىبەك الپىسباەۆ جانە دومنا پەشىنىڭ شەبەرى, سامبودان سپورت شەبەرلىگىنە ۇمىتكەر اقان ەسپوتاەۆ تۇتاتىپ, الاۋدى ءبىرىنشى بولىپ سورعى قوندىرعىلارىنىڭ ءماشينيسى, ۆولەيبولدان سپورت شەبەرى سۆەتلانا گاينۋتدينوۆا الىپ ءجۇردى. ءراسىمنىڭ ەكىنشى كەزەڭى ءتۇس الەتىندە وبلىس ورتالى­عىنداعى «شاحتەر» ستاديونىنان باستالىپ, «قاراعاندى ارەنا» مۇز ايدىنىندا مارەسىنە جەتتى. وبلىس ورتالىعىندا تەمىرتاۋ مەن قاراعاندى اكىمدەرى ەستافەتا الاۋىن ءوڭىر باسشىسىنا تابىس ەتتى. ءوڭىر باسشىسى الاۋمەن ەستافەتانىڭ العاشقى 200 مەترىن جۇگىرىپ ءوتىپ, كەزەكتى قارمتۋ ستۋدەنتى سەرگەي يۆانوۆقا تابىستادى. قاراعاندىدا 60 الاۋگەر الدىن الا تاڭداپ الىنعان. ەستافەتانىڭ وبلىس ورتالىعىنداعى قاشىقتىعى 9 شاقىرىمدى قۇرادى. ايتىپ وتكەنىمىزدەي, الاۋ ەستافەتاسى «قا­را­عاندى ارەنا» مۇز سارايىندا اياقتالدى. قاراعاندىلىقتار الاۋدى ارنايى قۇتىعا سالىپ, ۇشاقپەن الماتىعا شىعارىپ سالدى. ونى ۋنيۆەرسيادا استاناسىنا ەستافەتانىڭ تەحنيكالىق دەلەگاتى, بوكسشى ابىلايحان ءجۇسىپوۆ جەتكىزەدى. ميراس اسان, «ەگەمەن قازاقستان» * * * قوستاناي. وبلىس ورتالىعىندا ءححVىىى دۇنيەجۇزىلىك قىسقى ۋنيۆەرسيادا الاۋىنىڭ وڭىرلىك ەستافەتاسى ءوتتى. ءوڭىر باسشىسى ارحيمەد مۇحامبەتوۆ ۋنيۆەرسيادا الاۋىن ۇستاۋشىلار مەن سپورتشىلارىمىزدىڭ جانكۇيەرلەرىن قۇتتىقتادى. ۋنيۆەرسيادا الاۋىنىڭ قوستانايداعى وڭىرلىك شىراعىن اتى اڭىزعا اينالعان شاڭعىشى, 1976 جىلى ينسبرۋكتە وتكەن (اۆستريا) قىسقى وليمپيادانىڭ قولا جۇلدەگەرى, سپورت ارداگەرى يۆان گارانين تۇتاتتى. العاشقى الاۋ ەستافەتاسىن وبلىس اكىمى ارحيمەد مۇحامبەتوۆ الىپ, قوستانايدىڭ سپورت ماقتانىشىنىڭ ءبىرى, بوكستان وليمپيادا جۇلدەگەرى يۆان دىچكوعا تابىس ەتتى. ۋنيۆەرسيادا الاۋىنىڭ وڭىرلىك ەستافەتاسىنا قوستاناي وبلىسىنداعى ەڭ ۇزدىك سپورتشى ستۋدەنتتەر, شىعارماشىلىقتا, كاسىپكەرلىكتە تابىسقا جەتكەن جاستار – بارلىعى 60 ادام قاتىسىپ, ولار الاۋمەن 12 شاقىرىمدى جۇگىرىپ ءوتتى. ءنازيرا جارىمبەتوۆا, «ەگەمەن قازاقستان» *** وسكەمەن. ەلوردا تورىندە ەلباسىنىڭ ءوزى تۇتاتقان ححVIII دۇنيەجۇزىلىك قىسقى ۋني­ۆەر­سيادا الاۋى كەشە التايعا جەتتى. ءوس­كەمەند­ەگى س.امانجولوۆ اتىنداعى ۋنيۆەرسي­تەت­تىڭ الدىنان باستاۋ العان ۋنيۆەرسيادا الاۋىن تۇتاتۋ راسىمىنە وليمپيادا چەمپيونى ولگا رى­پاكوۆا باستاعان ءوڭىر سپورتشىلارى قاتىستى. الاۋ ەستافەتاسىن وليمپيادا چەمپيونى, بەلگىلى جە­ڭىل اتلەت ولگا رىپاكوۆاعا تاپسىردى. ءارى قاراي قالا كو­­شە­لەرى بويىمەن جالعاسقان ەستافەتا كەزىندە ەس­كەك ەسۋ­­شى ەكاتەرينا سميرنوۆانىڭ الاۋدى قايىقپەن ەر­­­­تىس وزەنى ارقىلى الىپ ءوتىپ, فريستايلشى كونستانتين گور­­­لا­­­چەۆ­­كە تاپسىرعانىن, ونىڭ الاۋدى قولىنا ۇستاپ, بيىك­­­تىك­­­تەن سەكىرگەنى قالالىقتاردىڭ ەسىندە قالارى انىق. الاۋ شارا سوڭىندا «التاي» ۆولەيبول كلۋبىنىڭ ۇزدىك ويىنشىسى, الماتىدا وتەتىن ۋنيۆەرسيادانىڭ اشىلۋ سالتاناتىندا شىعىس قازاقستان سپورتشىلارىن باستاپ شىعاتىن دامير اكىموۆكە تاپسىرىلدى. ۆولەيبولشى ۋنيۆەرسيادا الاۋىن الاتاۋ باۋرايىنا جەتكىزەتىن بولادى.  ازامات قاسىم, «ەگەمەن قازاقستان» * * * پاۆلودار. قىسقى ۋنيۆەرسيادانىڭ ايماق­تىق ەستا­فەتاسىنىڭ الاۋىن جاعۋ سالتاناتى س.تورايعىروۆ اتىن­داعى پاۆلودار مەملەكەتتىك ۋنيۆەرسيتەتىندە باستاۋ الدى. سالتاناتتى شارانى س.تورايعىروۆ اتىنداعى پاۆلو­دار مەم­لەكەتتىك ۋنيۆەرسيتەتىنىڭ رەكتورى, ساياسي عىلىم­دارى­نىڭ دوكتورى ارىن ورساريەۆ قۇتتىقتاۋ سوزىمەن اشتى. ءوز كەزەگىندە, پاۆلودار مەملەكەتتىك ۋنيۆەر­سيتەتىنىڭ رەكتورى ارىن ورساريەۆ الاۋدى جوعارى وقۋ ورنىنىڭ ساۋلەت-قۇرىلىس فاكۋلتەتىنىڭ 2-كۋرس ستۋدەنتى الەم كەنجەبەكوۆكە تاپسىردى. ەستافەتا بارىسىندا 60 الاۋگەر پاۆلودار كوشە­لەرى­مەن جۇگىرىپ ءوتتى. ۋنيۆەرسيادا الاۋىن سپورت­شى­لار­دان بولەك, قوعام قايراتكەرلەرى, جوعارى وقۋ ورىندارىنىڭ بەلسەندى وقۋ وزاتتارى جانە پاۆلودار قالاسى مەن وبلىستىڭ قۇرمەتتى ازاماتتارى الىپ ءجۇردى. فاريدا بىقاي, «ەگەمەن قازاقستان» * * * پەتروپاۆل. الماتى قالاسىندا وتەتىن ءححVىىى دۇنيەجۇزىلىك قىسقى ۋنيۆەرسيادانىڭ الاۋ ەس­تافەتاسى م.قوزىباەۆ اتىنداعى سولتۇستىك قازاق­ستان مەملەكەتتىك ۋنيۆەرسيتەتىنەن باستاۋ الدى. جي­نال­عاندار الدىندا وبلىس اكىمى ەرىك سۇلتانوۆ, جەڭىل اتلەتشى, حالىقارالىق دارەجەدەگى سپورت شەبەرى, ازيا ويىندارىنىڭ ەكى دۇركىن جەڭىمپازى مارگاريتا مۇقاشەۆا سويلەپ, تمد ەلدەرى اراسىندا قازاقستاننىڭ مارتەبەلى دودانى ءبىرىنشى بولىپ وتكىزۋى مارتەبە سانالاتىنىن, جەرلەستەرىمىزدىڭ جەڭىستەن ءۇمىتتى ەكەندىكتەرىن جەتكىزدى. العاشقى الاۋدى الىپ ءجۇرۋ قۇرمەتىنە ەرىك حامزا ۇلى يە بولدى. ەكى ساعاتقا سوزىلعان اكتسيا بارىسىندا 60 الاۋ­گەر 12 شاقىرىم جولدى جۇگىرىپ, باس­تى كوشەلەر بويىمەن الىپ ءوتتى. ولاردىڭ قاتارىندا ۆيكتور بوندارەنكو, قايىرلى ەدىرەسوۆ, ميحايل دەدوۆ, باۋىرجان قۇلجانوۆ سەكىلدى بەلگىلى ەڭبەك, سپورت ارداگەرلەرى دە بولدى. سوڭعى الاۋ ەستافەتاسىن جاس سپورتشى نازگۇل ماراتوۆا سپورت سارايى الدىندا قابىلداپ الدى.  ومىر ەسقالي, «ەگەمەن قازاقستان»