اتىراۋ تۇرعىندارى جەر الۋ ءۇشىن ەلەكتروندى كەزەككە تۇرادى

اتىراۋدا جەر ۋچاسكەسىن الۋ ءۇشىن كەزەكتە تۇرعانداردىڭ ءتىزىمىن جۇيەلەندىرىپ, ولاردىڭ بىرىڭعاي ءتىزىمىن اۆتوماتتاندىرۋ جۇمىستارى باستالدى, دەپ حابارلايدى «قازاقپارات». «قازىرگى تاڭدا اتىراۋدا تۇرعىن ءۇي سالۋ ءۇشىن ءۇي كەزەگىندە 80 مىڭنان استام ادام تۇر, ولاردىڭ 56,6 مىڭى وبلىس ورتالىعىنىڭ تۇرعىندارى. كەزەك وتە باياۋ جىلجۋدا, ويتكەنى جەر ۋچاسكەلەرى تەك كوممۋنيكاتسيا جەلىلەرى جۇرگىزىلگەن سوڭ عانا بەرىلەدى. دەگەنمەن, جەر تەلىمدەرى بەرىلگەن سوڭ دا ءبىرشاما پروبلەمالار پايدا بولىپ وتىر. جۇرت جەر كەزەگىندە جىلداپ تۇرادى. سول ۋاقىت ارالىعىندا ولاردىڭ مەكەنجايلارى مەن تەلەفون نومىرلەرى دە وزگەرىپ ۇلگەرەدى. سودان سوڭ ولاردى تابۋ وتە قيىن. جەر ۇلەستىرۋمەن بايلانىستى وسى جانە وزگە دە وزەكتى ماسەلەلەردى ەلەكتروندى ۇكىمەتپەن ىقپالداستىرىلعان جەر كەزەگىندە تۇرعانداردىڭ ەلەكتروندى بازاسىن قالىپتاستىرۋ ماسەلەسى شەشەدى دەگەن ءۇمىت بار», – دەپ مالىمدەدى وڭىرلىك كوممۋنيكاتسيالار قىزمەتىندە قالالىق جەر قاتىناستارى ءبولىمىنىڭ جەتەكشىسى كاكىم شالتانوۆ. ونىڭ سوزىنشە, ەلەكتروندى بازا ىسكە قوسىلعان سوڭ ءار ازامات ءوزىنىڭ كەزەگىن ءوزى باقىلاپ وتىراتىن بولادى.