قارجىلىق باقىلاۋ كۇشەيە ءتۇستى

استانا قالاسى بويىنشا قار­جىلىق باقىلاۋ ينسپەك­تسياسىنىڭ وتكەن جىلعى باقىلاۋ جۇمىسىنىڭ قورىتىندىلارى جاريالاندى. باقىلاۋ ينسپەكتسياسى تاراتقان مالىمەتتەرگە سۇيەنسەك, 2015 جىلى استانا قالاسى بويىنشا 143 ملرد. تەڭگەنى پايدالانۋ زاڭدىلىعى ماقساتىندا 350 باقىلاۋ ءىس-شاراسى جۇرگىزىلگەن. بۇل رەتتە زاڭنامانىڭ نورمالارىن بۇزۋشىلىقتار 89,1 ملرد. تەڭگە سوماسىن قۇراعان. جىكتەپ ايتار بولساق, قارجىلىق – 21,7 م؟؟؟.لرد. تەڭگە, راسىمدىك – 22,4 ملرد. تەڭگە, بيۋدجەتتى اتقارۋ بويىنشا – 11 ملرد. تەڭگە, مەملەكەتتىك ساتىپ الۋ بويىنشا بۇزۋشىلىقتار 34,2 ملرد. تەڭگە سوماسىندا. ينسپەكتسيانىڭ ەنگىزگەن ىقپال ەتۋ اكتىلەرى بويىنشا بيۋدجەت كىرى­سىنە قايتارىلۋى جانە ەسەپكە الۋ بويىن­­شا, سونىمەن بىرگە, تاۋارلاردىڭ, جۇمى­س­­تاردىڭ جانە قىزمەتتەردىڭ ءونىم بەرۋ­شىلەرىنىڭ شارتتىق مىندەتتەمەلەردى ورىنداۋى بويىنشا قالپىنا كەلتىرىلۋى ءتيىس قارجىنىڭ جالپى سوماسى 15,6 ملرد. تەڭگە بولىپ وتىر. ونىڭ جالپى سوماسى 15,5 ملرد. تەڭگەنى نەمەسە 99,3 پايىزىن قايتارۋ جانە قالپىنا كەلتىرۋ قامتاماسىز ەتىلگەن. بۇدان باسقا, باقىلاۋ نىساندارى 29 مەملەكەتتىك ساتىپ الۋ قورىتىندىلارىنىڭ كۇشىن جويعان جانە قايتا قاراعان. استانا قالاسى بويىنشا قارجى­لىق باقىلاۋ ينسپەكتسياسى سىبايلاس جەمقورلىق ءۇشىن جاعدايلار تۋعى­زاتىن قۇقىق بۇزۋشىلىقتاردى بولدىرماۋ جانە بۇزۋشىلىقتاردىڭ جولىن كەسۋ بويىنشا جۇمىستاردى تۇراقتى نەگىزدە جۇرگىزۋدە. سونداي-اق, ەسەپتى كەزەڭدە 127 لاۋازىمدى ادام اكىمشىلىك جاۋاپكەرشىلىككە, 388 قىزمەتكەر تارتىپتىك جاۋاپكەرشىلىككە تارتىلعان. سونىمەن قاتار, قىلمىستىق جازالاناتىن ارەكەتتەردىڭ بەلگىلەرى بولۋىنا بايلانىستى قۇقىق قورعاۋ ورگاندارىنا ءىس جۇرگىزۋ شەشىمىن قابىلداۋعا 32,7 ملرد. تەڭگە سوماسىن قۇرايتىن 19 ماتەريال جىبەرىلگەن. دينارا بىتىكوۆا, «ەگەمەن قازاقستان»