وڭىرلىك ەكولوگيالىق سامميتتە پرەزيدەنت قاسىم-جومارت توقاەۆ حالىقارالىق سۋ ۇيىمىن قۇرۋ جونىندەگى حالىقارالىق كونسۋلتاتسيالاردىڭ ءبىرىنشى كەزەڭى وتەتىنىنە توقتالدى, دەپ حابارلايدى Egemen.kz.
«وڭىرلىك دەڭگەيدەگى باستامالاردان بولەك, ءبىز سۋ رەسۋرستارى سالاسىندا جاھاندىق ىقپالداستىقتى كەڭەيتۋگە باسىمدىق بەرەمىز.
بىلتىر جەلتوقسان ايىندا اشحابادتا بۇۇ اگەنتتىگى رەتىندە قىزمەت ەتەتىن حالىقارالىق سۋ ۇيىمىن قۇرۋ جونىندە ۇسىنىس جاسادىم», دەدى مەملەكەت باسشىسى.
پرەزيدەنت: جاھاندىق ەكولوگيالىق مودەلگە كوشۋ ءۇردىسى ءادىل سيپاتتا وربۋگە ءتيىس
پرەزيدەنت اتالعان باستامانىڭ وتە وزەكتى ەكەنىن اتاپ ءوتتى.
«اتالعان باستاما وتە وزەكتى. ويتكەنى قازىرگى كەزدە بۇۇ جاھاندىق باسقارۋدىڭ بىرىزدىلىگى مەن تيىمدىلىگىن ارتتىرۋ ءۇشىن مىڭداعان مانداتتى قايتا سارالاپ جاتىر.
بۇگىنگى سامميت اياسىندا بۇل ۇسىنىسقا قاتىستى حالىقارالىق كونسۋلتاتسيالاردىڭ ءبىرىنشى كەزەڭى وتەتىنىنە قۋانىشتىمىن», دەدى قاسىم-جومارت توقاەۆ.
مەملەكەت باسشىسى ايماقتىق تسيفرلىق ەكوجۇيە قۇرۋ باستاماسىن قولدادى