استانادا بلوگەرلەر ەربولات ءجانابىلوۆ پەن ەلميرا تولەگەنوۆاعا قاتىستى قىلمىستىق ءىس سوت ءجارىسسوزى كەزەڭىنە ءوتتى. مەملەكەتتىك ايىپتاۋشى ولجاس حايرۋللاەۆ سوتتا ايىپتاۋ ۇستانىمىن تانىستىرىپ, ايىپتالۋشىلاردىڭ ارەكەتتەرىنە قۇقىقتىق باعا بەرىپ, جازا مولشەرىن ۇسىندى, دەپ حابارلايدى Egemen.kz.
پروكۋروردىڭ ايتۋىنشا, ەربولات ءجانابىلوۆ قىلمىستىق كودەكستىڭ 214-بابى 2-بولىگى 2-تارماعى (زاڭسىز كاسىپكەرلىك) جانە 218-بابى 2-بولىگى 1-تارماعى (قىلمىستىق جولمەن الىنعان اقشا مەن م ۇلىكتى زاڭداستىرۋ) بويىنشا كىنالى دەپ تانىلۋى ءتيىس. وسى باپتاردى جيىنتىقتا قاراستىرا وتىرىپ, وعان مۇلكىن تاركىلەۋمەن قاتار 4 جىل باس بوستاندىعىنان ايىرۋ جازاسىن تاعايىنداۋ سۇرالدى.
بلوگەر ءجانابىلوۆ سوتقا تارتىلدى
ال ەلميرا تولەگەنوۆاعا قاتىستى پروكۋرور 4 جىلعا باس بوستاندىعىنان ايىرۋ جازاسىن سۇراپ, مۇلكىن تاركىلەۋدى ۇسىندى. سونىمەن بىرگە قىلمىستىق كودەكستىڭ 74-بابى 1-بولىگىنە سايكەس, جازانى وتەۋدى ءبىر جىلعا كەيىنگە قالدىرۋ مۇمكىن دەپ ەسەپتەيتىنىن جەتكىزدى.
قازىرگى تاڭدا ءىس بويىنشا سوڭعى شەشىمدى سوت قابىلدايدى.