مادەنيەت جانە اقپارات ءمينيسترى ايدا بالاەۆا جاڭا بۇيرىققا قول قويدى. قۇجاتقا سايكەس, ەندى كونتسەرت ۇيىمداستىرۋشىلار مەن ارتىستەر كورەرمەندەردى فونوگرامما قولدانىلاتىنى تۋرالى الدىن الا ەسكەرتۋگە مىندەتتى, دەپ حابارلايدى Egemen.kz.
جاڭا تالاپ بويىنشا, مۇنداي اقپارات بيلەت ساتىلىمى باستالعانعا دەيىن كەمىندە 30 كۇن بۇرىن جاريالانۋى ءتيىس. ياعني كورەرمەن بيلەت الماي تۇرىپ-اق كونتسەرتتە «جاندى داۋىس» نەمەسە فونوگرامما قولدانىلاتىنى جونىندە ءبىلۋى كەرەك.
ەنريكە يگلەسياستىڭ كونتسەرتى كەزىندە قاۋىپسىزدىككە كىم جاۋاپ بەرەدى؟
سونىمەن قاتار, ەسكەرتۋ تەك ءبىر جەردە ەمەس, بىرنەشە پلاتفورمادا كورسەتىلۋى مىندەتتەلدى. ول: – سىرتقى جارنامادا, – بيلەت ساتۋ ورىندارىندا, – بۇقارالىق اقپارات قۇرالدارىندا, – الەۋمەتتىك جەلىلەردە جاريالانۋى ءتيىس.
تولىق انشلاگ: NU ستۋدەنتتەر وركەسترىنىڭ كونتسەرتى 1500 كورەرمەن جينادى
تەلەديدار مەن راديودا بەرىلەتىن جارنامالارعا دا ناقتى تالاپتار ەنگىزىلدى. فونوگرامما تۋرالى ەسكەرتۋ كەمىندە 5 سەكۋند ايتىلىپ, ونىڭ دىبىسى نەگىزگى جارنامادان باسەڭ بولماۋى كەرەك. قىسقا روليكتەردە ديكتور ناقتى تۇردە «ۆوكالدىق فونوگرامما قولدانىلادى» دەپ ايتۋعا مىندەتتى.
جالپى, بۇل وزگەرىستەر كورەرمەنگە اشىق اقپارات بەرۋ جانە كونتسەرتتىك قىزمەتتىڭ مولدىرلىگىن ارتتىرۋ ماقساتىندا ەنگىزىلگەن. بۇعان دەيىن دە بۇل ماسەلە بىرنەشە جىل بويى تالقىلانىپ كەلگەن بولاتىن.