يراننىڭ كەلىسسوز جۇرگىزۋ توبى اتىستى توقتاتۋ تۋرالى كەلىسىم بويىنشا اقش-پەن اقپارات الماسۋدى توقتاتتى, دەپ حابارلايدى Egemen.kz Tasnim اگەنتتىگىنە سىلتەمە جاساپ.
تەگەران ديالوگ تەك يران مەن «قارسىلىق مايدانىنىڭ» تالاپتارى ورىندالعاننان كەيىن عانا قايتا جالعاساتىنىن مالىمدەدى. قارىمتا شارا رەتىندە ورمۋز بۇعازىن تولىق جابۋ جانە باب-ەل-ماندەب بۇعازىنداعى ارەكەتتەردى كۇشەيتۋ جوسپارلانىپ وتىرعانى ايتىلدى.
بۇل شەشىم 1 ماۋسىمدا ايماقتا جاعدايدىڭ شيەلەنىسۋى اياسىندا قابىلدانعان. يزرايل اسكەرلەرگە ليۆان اۋماعىنا تەرەڭدەي ەنۋ جونىندە بۇيرىق بەرىپ, بەيرۋتتاعى «حەزبوللا» نىساندارىنا سوققىلاردى قايتا باستاعان. يران قارۋلى كۇشتەرى باس شتابى ءيزرايلدىڭ «اسكەري وپەراتسيالارىنا» بۇدان بىلاي توزبەيتىنىن ەسكەرتكەن. تەگەران دەرەگىنشە, ليۆاندا 3000-نان استام بەيبىت تۇرعىن زارداپ شەككەن.
بۇعان دەيىن اقش اسكەري كۇشتەرى يراننىڭ رادارلارى مەن ۇشقىشسىز اپپاراتتاردى باسقارۋ پۋنكتتەرىنە سوققى جاساعان. بۇل يران دەمالىس كۇندەرى MQ-1 Predator درونىن اتىپ تۇسىرگەننەن كەيىنگى جاۋاپ ارەكەتى رەتىندە جاسالعان. يران قارسى سوققى فاكتىسىن راستادى. ال كۋۆەيت ۇشىپ كەلگەن زىمىراندار مەن درونداردىڭ ءساتتى تويتارىلعانىن مالىمدەدى.