سينوپتيكتەر سەيسەنبى كۇنى قازاقستاننىڭ باسىم بولىگىندە نايزاعاي, بۇرشاق جانە اپتاپ ىستىق بولاتىنىن ەسكەرتتى

تۇركىستان وبلىسىنىڭ تاۋلى اۋداندارىندا قىسقا مەرزىمدى جاڭبىر جاۋىپ, نايزاعاي وينايدى. سولتۇستىك-باتىستان سوعاتىن جەلدىڭ جىلدامدىعى تاۋلى وڭىرلەردە سەكۋندىنا 15-20 مەترگە دەيىن جەتەدى. وبلىستىڭ ورتالىق بولىگىندە جوعارى ءورت قاۋپى ساقتالادى.

ماڭعىستاۋ وبلىسىنىڭ باتىسىندا, سولتۇستىگىندە جانە ورتالىعىندا جاڭبىر, نايزاعاي جانە بۇرشاق كۇتىلەدى. اقتاۋدا كۇندىز جاڭبىر جاۋىپ, نايزاعاي بولادى.

قىزىلوردا وبلىسىنىڭ سولتۇستىك-شىعىسىندا جوعارى ءورت قاۋپى ساقتالسا, وبلىستىڭ باتىسىندا, سولتۇستىگىندە جانە وڭتۇستىگىندە توتەنشە ءورت قاۋپى جاريالانعان.

اقتوبە وبلىسىنىڭ باتىسى مەن سولتۇستىگىندە جاڭبىر جاۋىپ, نايزاعاي بولادى. تۇندە جانە تاڭەرتەڭ تۇمان ءتۇسۋى مۇمكىن. اقتوبە قالاسىندا دا كۇندىز جاڭبىر مەن نايزاعاي بولجانۋدا.

الماتى وبلىسىنىڭ باتىسىندا, سولتۇستىگىندە, وڭتۇستىگىندە جانە تاۋلى اۋداندارىندا قىسقا مەرزىمدى جاڭبىر جاۋىپ, نايزاعاي بولادى. كۇندىز اۋا تەمپەراتۋراسى 35-36 گرادۋسقا دەيىن كوتەرىلىپ, اپتاپ ىستىق ساقتالادى. الماتى قالاسىندا دا جاڭبىر مەن نايزاعاي كۇتىلەدى.

قاراعاندى وبلىسىندا جاڭبىر, نايزاعاي جانە تۇمان بولجانىپ وتىر. وبلىستىڭ وڭتۇستىگىندە اۋا تەمپەراتۋراسى 35 گرادۋسقا دەيىن جەتەدى. بىرقاتار اۋدانداردا توتەنشە ءورت قاۋپى ساقتالادى.

ۇلىتاۋ وبلىسىنىڭ سولتۇستىگى مەن شىعىسىندا جاڭبىر مەن نايزاعاي كۇتىلەدى. جەزقازعاندا تۇندە جانە تاڭەرتەڭ تۇمان تۇسەدى.

اتىراۋ وبلىسىنىڭ كەي جەرلەرىندە جاڭبىر مەن نايزاعاي بولادى. اتىراۋ قالاسىندا تاڭەرتەڭ جانە كۇندىز جاۋىن-شاشىن كۇتىلەدى.

باتىس قازاقستان وبلىسىندا جاڭبىر, نايزاعاي, بۇرشاق جانە داۋىلدى جەل بولجانۋدا. ورال قالاسىندا دا وسىنداي اۋا رايى ساقتالادى.

شىعىس قازاقستان وبلىسىنىڭ باتىسىندا, سولتۇستىگىندە جانە شىعىسىندا جاڭبىر مەن نايزاعاي كۇتىلەدى. جەلدىڭ ەكپىنى سەكۋندىنا 15-20 مەترگە دەيىن جەتەدى.

اباي وبلىسىنىڭ باتىسىندا, سولتۇستىگىندە جانە ورتالىعىندا جاڭبىر, نايزاعاي جانە بۇرشاق جاۋادى. وبلىستىڭ وڭتۇستىگىندە اۋا تەمپەراتۋراسى 37 گرادۋسقا دەيىن كوتەرىلىپ, توتەنشە ءورت قاۋپى كۇتىلەدى.

جامبىل وبلىسىنىڭ سولتۇستىگىندە, وڭتۇستىگىندە, شىعىسىندا جانە تاۋلى اۋداندارىندا قىسقا مەرزىمدى جاڭبىر مەن نايزاعاي بولادى. تاراز قالاسىندا دا وسىنداي اۋا رايى ساقتالادى.

اقمولا وبلىسىندا تۇندە جاڭبىر, نايزاعاي, كەي جەرلەردە قاتتى جاڭبىر مەن بۇرشاق جاۋادى. كوكشەتاۋدا دا تۇندە جاۋىن-شاشىن كۇتىلەدى.

سولتۇستىك قازاقستان وبلىسىندا جاڭبىر, نايزاعاي جانە بۇرشاق بولجانۋدا. پەتروپاۆل قالاسىندا كۇندىز بۇرشاق جاۋى مۇمكىن.

جەتىسۋ وبلىسىنىڭ شىعىسىندا, وڭتۇستىگىندە جانە تاۋلى اۋداندارىندا جاڭبىر مەن نايزاعاي كۇتىلەدى. كۇندىز اۋا تەمپەراتۋراسى 35 گرادۋسقا دەيىن كوتەرىلەدى. وبلىستىڭ بىرقاتار بولىگىندە توتەنشە ءورت قاۋپى ساقتالادى.

پاۆلودار وبلىسىندا جاڭبىر, نايزاعاي, كەي جەرلەردە قاتتى جاڭبىر مەن بۇرشاق جاۋادى. پاۆلودار قالاسىندا جەلدىڭ ەكپىنى سەكۋندىنا 15-20 مەترگە دەيىن جەتەدى.

قوستاناي وبلىسىنىڭ سولتۇستىك-شىعىسىندا جاڭبىر مەن نايزاعاي كۇتىلەدى. وبلىستىڭ وڭتۇستىگى مەن شىعىسىندا جوعارى ءورت قاۋپى ساقتالادى.