استانا قالاسىنىڭ پروكۋراتۋراسى جول قوزعالىسى ەرەجەلەرىن جۇيەلى ءارى ورەسكەل بۇزاتىن جۇرگىزۋشىلەرگە قاتىستى جاۋاپكەرشىلىكتىڭ قاتاڭداتىلعانىن مالىمدەدى. ەندى اگرەسسيۆتى جۇرگىزۋ مەن قاۋىپتى مانەۆر جاساۋ تەك ايىپپۇلمەن شەكتەلمەي, «ۇساق بۇزاقىلىق» رەتىندە باعالانىپ, جۇرگىزۋشىنى 15 تاۋلىككە دەيىن قاماۋعا الۋعا نەگىز بولادى, دەپ حابارلايدى Egemen.kz.
پروكۋراتۋرانىڭ مالىمەتىنشە, كەيبىر جۇرگىزۋشىلەر ءۇشىن سالىنعان ايىپپۇلدار ءتيىستى پروفيلاكتيكالىق اسەر ەتپەي وتىر. سوندىقتان زاڭ تالاپتارىن سانالى تۇردە ەلەمەيتىن تۇلعالارعا قاتىستى اكىمشىلىك قۇقىق بۇزۋشىلىق تۋرالى كودەكستىڭ 434-بابى (ۇساق بۇزاقىلىق) قولدانىلا باستادى.
ءال-فارابي داڭعىلىندا جول ەرەجەسىن ورەسكەل بۇزعاندار ۇستالدى
بۇل شارا جىلدامدىقتى بايقاۋسىزدا ءبىر رەت اسىرعاندارعا ەمەس, كەلەسى ارەكەتتەردى ادەيى جاساعاندارعا باعىتتالعان:
جولدا اگرەسسيۆتى جۇرگىزۋ ءستيلىن ۇستاناتىندار; قاۋىپتى مانەۆر جاساپ, وزگەلەردىڭ ومىرىنە قاتەر توندىرەتىندەر; ورەسكەل زاڭ بۇزۋشىلىعىن تاسپاعا ءتۇسىرىپ, الەۋمەتتىك جەلىدە ماقتان ءۇشىن جاريالايتىندار.استانالىق پوليتسەيلەر بەينەكامەرا ارقىلى جول ەرەجەسىن بۇزعانداردى انىقتادى
ەلوردا پروكۋرورى عابيت مۇقانوۆتىڭ ايتۋىنشا, قاساقانا قۇقىق بۇزۋشىلاردى وقشاۋلاۋعا بايلانىستى شارالاردى قولدانۋ اگرەسسيۆتى جۇرگىزۋگە توزبەۋشىلىكتى قالىپتاستىرۋعا جانە جول-كولىك وقيعالارىنىڭ سانىن ازايتۋعا باعىتتالعان.
ەلوردادا جي-كامەرالار قاۋىپسىزدىك بەلدىگى مەن تەلەفوندى تەكسەرە باستادى
قازىردىڭ وزىندە ەلوردادا بىرنەشە جۇرگىزۋشى وسى باپ بويىنشا جاۋاپقا تارتىلعان. پروكۋراتۋرا بارلىق جول قوزعالىسىنا قاتىسۋشىلاردى ءوزارا قۇرمەت ساقتاۋعا جانە جولداعى قاۋىپسىزدىك – ورتاق جاۋاپكەرشىلىك ەكەنىن ۇمىتپاۋعا شاقىرادى.
ەسكە سالا كەتەيىك, 2026 جىلدىڭ سوڭىنا دەيىن تاعى 16 اقىلى جول ۋچاسكەسىندە جاڭا تالاپ ەنگىزىلىپ, ەرەجە بۇزعان جۇرگىزۋشىلەرگە ايىپپۇل سالىنادى.
اۆتوكولىكتەگى مىندەتتى جيىنتىق: جۇرگىزۋشىلەر نەنى ءبىلۋى ءتيىس؟