ەلىمىزدە جىلدامدىقتى شەكتەيتىن ۋچاسكەلەر سانى ەكى ەسە ارتادى

«قازاۆتوجول» ۇلتتىق كومپانياسىنىڭ باسقارما توراعاسى دارحان يماناشەۆتىڭ مالىمەتىنشە, ورتاشا جىلدامدىقتى باقىلاۋ جۇيەسى 2024 جىلدىڭ سوڭىنان باستاپ كەزەڭ-كەزەڭىمەن ەنگىزىلە باستاعان. قازىرگى تاڭدا بۇل جۇيە جالپى ۇزىندىعى 1,8 مىڭ شاقىرىم بولاتىن 8 اقىلى جول ۋچاسكەسىندە جۇمىس ىستەپ تۇر.

جىلدامدىقتى باقىلاۋ جۇيەسى 109 مىڭنان اسا زاڭ بۇزۋشىلىقتى انىقتادى

قابىلدانعان شارالاردىڭ ناتيجەسىندە رەسپۋبليكالىق جولدارداعى جول-كولىك وقيعالارىنىڭ سانى 20% ازايعان. وسى تاجىريبەنى جالعاستىرۋ ءۇشىن 2026 جىلدىڭ سوڭىنا دەيىن تاعى 16 ۋچاسكەدە وسىنداي جۇيە ەنگىزىلەدى.

ورتاشا جىلدامدىق – كولىكتىڭ بەلگىلى ءبىر جول بولىگىندەگى قوزعالىس ۋاقىتىنا قاراي ەسەپتەلەتىن كورسەتكىش. ياعني, ەكى كامەرا اراسىنداعى قاشىقتىق ءجۇرىپ وتكەن ۋاقىتقا بولىنەدى. بۇل ءتاسىل جۇرگىزۋشىنىڭ تەك ءبىر نۇكتەدە ەمەس, بارلىق ۋچاسكەدەگى قوزعالىس ءتارتىبىن باعالاۋعا مۇمكىندىك بەرەدى.

جىلدامدىقتى 59 رەت اسىرعان: استانادا Porsche جۇرگىزۋشىسى قاماۋعا الىندى

ورتاشا جىلدامدىقتى اسىرعانى ءۇشىن بولەك جازا ەنگىزىلمەيدى. جاۋاپكەرشىلىك اكىمشىلىك قۇقىق بۇزۋشىلىق تۋرالى كودەكستىڭ 592-بابىنا سايكەس قاراستىرىلعان. 2026 جىلى ايىپپۇل مولشەرى مىناداي: – 10-20 كم/ساع ارالىعىندا اسىرسا – 5 اەك (21 625 تەڭگە); – 20-40 كم/ساع – 10 اەك (43 250 تەڭگە); – 40 كم/ساع جانە ودان جوعارى – 20 اەك (86 500 تەڭگە); – 1 جىل ىشىندە قايتالانسا – 30 اەك (129 750 تەڭگە); – 60 كم/ساع جانە ودان جوعارى – 40 اەك (173 000 تەڭگە).

قازىرگى ۋاقىتتا ورتاشا جىلدامدىقتى باقىلاۋ استانا – ششۋچينسك, استانا – پاۆلودار, شىمكەنت – قىزىلوردا, شىمكەنت – تاراز, پاۆلودار – سەمەي – قالباتاۋ, ورال – رەسەي شەكاراسى (ساراتوۆ), پاۆلودار – رەسەي شەكاراسى (ومبى), جىبەك جولى – تەمىرتاۋ باعىتتارىندا قولدانىلادى.

ستاتيستيكاعا سايكەس, ەڭ كوپ زاڭبۇزۋشىلىق شىمكەنت – قىزىلوردا تاسجولىندا تىركەلگەن – 54 863 جاعداي. ودان كەيىن استانا – ششۋچينسك (29 330) جانە استانا – پاۆلودار (18 188) باعىتتارى تۇر.

مامانداردىڭ ايتۋىنشا, جاڭا جۇيە جولداعى ءتارتىپتى كۇشەيتىپ, اپات سانىن ازايتۋدى كوزدەيدى.

استانالىق پوليتسەيلەر بەينەكامەرا ارقىلى جول ەرەجەسىن بۇزعانداردى انىقتادى