كاسساتسيالىق سوت سالتانات نۇكەنوۆانى ءولتىرۋ ءىسى بويىنشا سوتتالعان باقىتجان بايجانوۆتىڭ شاعىمىن قارادى, دەپ حابارلايدى Egemen.kz.
سوت ۇكىمدى وزگەرىسسىز قالدىردى.
«بايجانوۆقا قاتىستى قىلمىستىق ءىس بويىنشا شىعارىلعان ۇكىم وزگەرىسسىز قالدىرىلسىن. ادۆوكاتتاردىڭ كاسساتسيالىق شاعىمى قاناعاتتاندىرىلماسىن», دەدى سۋديا ەرلىك سەرالين.
بيشىمباەۆ سالتانات نۇكەنوۆانىڭ قازا تاپقان كۇنى تۋرالى ايتتى
سوتتىڭ مالىمەتىنشە, بايجانوۆ نۇكەنوۆا قايتىس بولعاننان كەيىن قىلمىستى كورە تۇرا, ونىڭ ءىزىن جاسىرۋعا تىرىسقان. ول مەيرامحاناعا كىرمەك بولعان مەملەكەتتىك ورگان قىزمەتكەرلەرىنە كەدەرگى كەلتىرىپ, بەينەباقىلاۋ كامەرالارىنداعى جازبالاردى وشىرگەن, كامەرالاردى ءسوندىرىپ, تەلەفوندى باسقا جەرگە اپارعان جانە مەيرامحاناعا ايەلدىڭ كيىمدەرىن اكەلگەن.
«قىلمىستىق ارەكەتتىڭ جاسالعانى جونىندەگى سوت قورىتىندىلارى مەن القابيلەر ۇكىمىندە كورسەتىلگەن ءمان-جايلار نەگىزدى. ولار دالەلدەر جيىنتىعى مەن سوت وتىرىستارى ماتەريالدارىنا سۇيەنگەن. قىلمىستىق ءىس ماتەريالدارىن زەردەلەۋ بارىسىندا سوتتىڭ پروتسەسسۋالدىق زاڭ تالاپتارىن بۇزباعانى انىقتالدى. ونىڭ ىشىندە القابيلەر القاسىن قالىپتاستىرۋ جانە دالەلدەردى زەرتتەۋ كەزىندە شىعارىلعان ايىپتاۋ ۇكىمى جانە القابيلەر شەشىمىنىڭ زاڭدىلىعى مەن نەگىزدىلىگىنە اسەر ەتۋى مۇمكىن بۇزۋشىلىقتارعا جول بەرىلمەگەن», دەپ ءتۇسىندىردى سەرالين.
بيشىمباەۆ ءىسى: باقىتجان بايجانوۆ 4 جىلعا سوتتالدى
سونداي-اق سوت القاسى تاعايىندالعان جازانى جاسالعان ارەكەتكە, سوتتالعان ادامنىڭ جەكە باسىنا جانە قىلمىستىڭ قوعامدىق قاۋىپتىلىك دەڭگەيىنە ساي ەكەنىن جەتكىزدى. وسىعان بايلانىستى قورعاۋ تاراپىنىڭ قوعامنان وقشاۋلاماستان جازا تاعايىنداۋ نەمەسە شارتتى جازا بەرۋ مۇمكىندىگى تۋرالى ۋاجدەرى نەگىزسىز دەپ تانىلدى.
وسىدان ەكى جىل بۇرىن استانادا اپەللياتسيالىق سوت القاسى قۋاندىق بيشىمباەۆ پەن باقىتجان بايجانوۆقا قاتىستى قىلمىستىق ءىستى قارادى. سوت ولاردىڭ ءوتىنىشىن قاناعاتتاندىرماعان بولاتىن.