پاۆلودار وبلىسىنىڭ اقسۋ قالاسىندا ايەل ادامدى اسا قاتىگەزدىكپەن ءولتىرۋ دەرەگى تىركەلدى. مارقۇمنىڭ دەنەسى قالا اۋماعىندا, وندىرىستىك اۋماققا جاقىن تۇستان تابىلعان, دەپ جازادى Egemen.kz.
الدىن الا مالىمەتتەرگە سۇيەنسەك, ءمايىت فەرروقورىتپا زاۋىتىنان شامامەن 3 شاقىرىم جەردە, اقسۋ قالاسى باعىتىندا جاتقان اۋماقتان انىقتالعان. كەيبىر دەرەكتەردە ايەلدىڭ زورلىق-زومبىلىققا ۇشىراۋى مۇمكىن ەكەنى, سونداي-اق قىلمىس ءىزىن جاسىرۋ ماقساتىندا دەنەنى ورتەمەك بولعانى ايتىلادى.
ءمايىتتى جىلدار بويى جاسىرعان: مايقايىڭداعى وقيعاعا قاتىستى جاڭا مالىمەتتەر جاريالاندى
پاۆلودار وبلىستىق پوليتسيا دەپارتامەنتىنىڭ ءباسپاسوز قىزمەتى اتالعان فاكتىنى راستادى. ۆەدومستۆو مالىمەتىنشە, كىسى ءولتىرۋ دەرەگى بويىنشا قىلمىستىق ءىس قوزعالدى.
«كۇدىكتى ۇستالىپ, ۋاقىتشا ۇستاۋ يزولياتورىنا قامالدى. وقيعانىڭ بارلىق ءمان-جايىن انىقتاۋعا باعىتتالعان قاجەتتى تەرگەۋ امالدارى جۇرگىزىلىپ جاتىر», دەپ حابارلادى پوليتسيا وكىلدەرى.
قازىرگى ۋاقىتتا وقيعانىن ءمان-جايىن انىقتاۋ ماقساتىندا تەرگەۋ امالدارى جۇرگىزىلىپ جاتىر.
الماتىدا ءانشى گۇلنار سيقىمباەۆانىڭ جوعالىپ كەتكەن جالعىز ۇلىنىڭ ءمايىتى تابىلدى