تۋريزم جانە سپورت مينيسترلىگى جاتتىقتىرۋشى-وقىتۋشىلارعا بىلىكتىلىك ءۇشىن قوسىمشا اقى الۋ ءتارتىبىن جاريالادى. بۇل مۇمكىندىك بالالار-جاسوسپىرىمدەر سپورت مەكتەبى (بجسم) جانە مامانداندىرىلعان سپورت مەكتەپتەرى, سونداي-اق وليمپيادالىق رەزەرۆ مەكتەپتەرىندە قىزمەت ەتەتىن ماماندارعا قاتىستى, دەپ حابارلايدى Egemen.kz.
قوسىمشا اقى الۋ ءۇشىن: – بىلىكتىلىكتى ارتتىرۋ كۋرستارىنان ءوتۋ; – بىلىكتىلىك تەستىن ءساتتى تاپسىرۋ; – وقۋ-جاتتىعۋ پروتسەسىن ۇلتتىق سپورتتىق دايىندىق ستاندارتتارىنا سايكەس جۇرگىزۋ تالاپ ەتىلەدى.
سپورت مەكتەپتەرى جاڭا قارجىلاندىرۋ جۇيەسىنە وتەدى
بىلىكتىلىكتى ارتتىرۋ كۋرسى 5 جىلدا ءبىر رەت وتكىزىلەدى, ال ءوتىنىمدى وقۋ باستالعانعا دەيىن كەمىندە 14 كۇن بۇرىن بەرۋ كەرەك.
وقۋ اياقتالعاننان كەيىن: – ەلەكتروندى فورماتتا تەستىلەۋ جۇرگىزىلەدى; – بىلىكتىلىكتى ارتتىرۋ تۋرالى كۋالىك بەرىلەدى; – بىلىكتىلىك تەستىنەن وتكەندىگى تۋرالى سەرتيفيكات تاپسىرىلادى; – قۇجاتتاردى جۇمىس ورنىنا تاپسىرۋ قاجەت.
ءوتىنىم ەلەكتروندىق ليتسەنزيالاۋ پورتالى ارقىلى ونلاين رەجيمدە قابىلدانادى, بۇل ءراسىمدى جەڭىلدەتەدى ءارى قوسىمشا اقى الۋدىڭ ۋاقىتىلى جۇزەگە اسۋىنا مۇمكىندىك بەرەدى.
اتىراۋدا دارىندى بالالارعا ارنالعان سپورت مەكتەبى سالىنىپ جاتىر