قازاقستاننىڭ ەكىنشى راكەتكاسى يۋليا پۋتينتسەۆا Mutua Madrid Open–2026 ءتۋرنيرىنىڭ ەكىنشى اينالىمىنا شىقتى. ول العاشقى كەزدەسۋىندە چەحيالىق تەرەزا ۆالەنتوۆانى ۇش سەتتە جەڭدى, دەپ حابارلايدى Egemen.kz.
ءبىرىنشى سەتتە ەكى تەننيسشى دە ءوز دوپ بەرۋ گەيمدەرىن سەنىمدى وتكىزدى. الايدا ەسەپ 4:4 بولعان ساتتە پۋتينتسەۆا برەيك جاساپ پارتيانى ءوز پايداسىنا شەشتى.
ەكىنشى سەتتە تارتىس كۇشەيە ءتۇستى. ويىن بارىسىندا قارسىلاستار ءبىر-ءبىرىنىڭ دوپ بەرۋىن بىرنەشە رەت بۇزدى. 4:5 ەسەبىندە ۆالەنتوۆا شەشۋشى برەيك جاساپ, سەتتە جەڭىسكە جەتتى.
شەشۋشى ءۇشىنشى سەتتە پۋتينتسەۆا باسىمدىققا يە بولىپ, ماتچتى 6:3 ەسەبىمەن اياقتادى.
ەندى كەلەسى كەزەڭدە قازاقستاندىق تەننيسشى مارتا كوستيۋكپەن كەزدەسەدى. بۇعان دەيىن ولار ءبىر رەت ويناپ, جەڭىس كوستيۋككە بۇيىرعان ەدى.
ۇستەل تەننيسى: كيريلل گەراسيمەنكو ەل چەمپيوناتىندا ءۇش التىن ەنشىلەدى
Mutua Madrid Open – 2002 جىلدان بەرى وتكىزىلىپ كەلە جاتقان الەمدەگى بەدەلدى جارىستاردىڭ ءبىرى. ول ATP-1000 جانە WTA-1000 ساناتىنا كىرەدى. بيىلعى تۋرنيردە چەمپيوندىق اتاقتى كاسپەر رۋد پەن ارينا سوبولەنكو قورعاپ جاتىر.
جارىستىڭ جالپى جۇلدە قورى – 9,6 ميلليون اقش دوللارىنان اسادى.