«قازگيدرومەت» 2 ماۋسىمعا ارنالعان اۋا رايى بولجامىن جاريالادى. سينوپتيكتەردىڭ مالىمەتىنشە, قازاقستاننىڭ باسىم بولىگىندە جاڭبىر جاۋىپ, نايزاعاي وينايدى. ال وڭتۇستىك وڭىرلەردە اپتاپ ىستىق ساقتالادى, دەپ حابارلايدى Egemen.kz.
ەلوردادا كۇن قۇبىلمالى بولعانىمەن, جاۋىن-شاشىن بولمايدى. اۋا تەمپەراتۋراسى كۇندىز +27...+29 گرادۋسقا دەيىن كوتەرىلەدى.
الماتىدا كۇن بۇلتتى بولىپ, جاڭبىر مەن نايزاعاي بولجانىپ وتىر. كۇندىز اۋا تەمپەراتۋراسى +31...+33 گرادۋس بولادى.
شىمكەنت, تۇركىستان, قىزىلوردا جانە كوناەۆ قالالارىندا جاۋىن-شاشىنسىز اۋا رايى ساقتالىپ, اۋا تەمپەراتۋراسى +32...+37 گرادۋسقا دەيىن جەتەدى.
سينوپتيكتەر سەيسەنبى كۇنى قازاقستاننىڭ باسىم بولىگىندە نايزاعاي, بۇرشاق جانە اپتاپ ىستىق بولاتىنىن ەسكەرتتى
باتىس قازاقستان وڭىرلەرىندە, اتاپ ايتقاندا, اقتاۋ, اتىراۋ, اقتوبە جانە ورال قالالارىندا جاڭبىر جاۋىپ, نايزاعاي كۇتىلەدى. بۇل ايماقتاردا اۋا تەمپەراتۋراسى سالىستىرمالى تۇردە تومەن بولادى.
سونداي-اق قاراعاندى, پاۆلودار, پەتروپاۆل, سەمەي, تالدىقورعان جانە تاراز قالالارىندا دا جاڭبىر مەن نايزاعاي بولجانىپ وتىر.
سينوپتيكتەر تۇرعىندارعا اۋا رايىنىڭ قولايسىز قۇبىلىستارىن ەسكەرىپ, قاۋىپسىزدىك شارالارىن ساقتاۋعا كەڭەس بەرەدى.