پاۆلودار قالاسىندا بەلگىسىز ەر ادام تۇرعىن ءۇيدىڭ كىرەبەرىسىنە بەنزين شاشىپ, ءورت قويۋعا ارەكەت جاساعان. وقيعا تاڭەرتەڭگى ۋاقىتتا بولعان, دەپ حابارلايدى Egemen.kz.
كۋاگەرلەردىڭ ايتۋىنشا, قولىندا بەنزين قۇيىلعان كانيستراسى بار ەر ادام پودەزد ىشىندە قابىرعالارعا, ەدەنگە جانە سىرتقا شىققان تۇرعىندارعا جانارماي شاشقان. وقيعا بەينەباقىلاۋ كامەراسىنا ءتۇسىپ قالعان.
پاۆلودار وبلىستىق پوليتسيا دەپارتامەنتى كۇدىكتىنىڭ جەكە باسى انىقتالعانىن حابارلادى. قازىرگى ۋاقىتتا ونى ۇستاۋ بويىنشا ىزدەستىرۋ شارالارى جۇرگىزىلىپ جاتىر.
«قۇقىق بۇزۋشىعا قاتىستى ۇساق بۇزاقىلىق فاكتىسى بويىنشا اكىمشىلىك ءىس قوزعالدى. ماتەريال پروتسەسسۋالدىق شەشىم قابىلداۋ ءۇشىن سوتقا جولدانادى», دەپ مالىمدەدى پوليتسيا وكىلدەرى.
استانادا كولىك ورتەندى: زارداپ شەككەندەردىڭ قازىرگى جاعدايى قالاي؟
وقيعا سالدارىنان زارداپ شەككەندەر تۋرالى اقپارات تۇسكەن جوق. قازىر وقيعانىڭ بارلىق ءمان-جايى انىقتالىپ جاتىر.