حالىقارالىق بالالاردى قورعاۋ كۇنى اياسىندا استانا قالاسىنىڭ اكىمى جەڭىس قاسىمبەك ءۇش جاسار امىرە ەسىمدى بالامەن كەزدەستى. بۇعان دەيىن ول LRT-مەن العاش رەت ساپار شەككەن ءساتى تۇسىرىلگەن ۆيدەوسىمەن تانىلعان بولاتىن, دەپ حابارلايدى Egemen.kz.
الەۋمەتتىك جەلىدە كەڭ تاراعان بەينەروليكتە كىشكەنتاي امىرە LRT ونى ەل پرەزيدەنتىمەن كەزدەسۋگە الىپ بارادى دەپ شىنايى سەنگەن. بالانىڭ اڭعال دا تازا كوڭىلى كورەرمەندەردىڭ ىقىلاسىنا يە بولىپ, كوپشىلىكتىڭ جۇرەگىن ەلجىرەتتى.
ايشىقتى مەرەكە قارساڭىندا مەملەكەت باسشىسىنىڭ تاپسىرماسىنا سايكەس, جەڭىس قاسىمبەك امىرەگە قازاقستان رەسپۋبليكاسى پرەزيدەنتىنىڭ العىس حاتىن جانە ەستەلىك سىيلىقتاردى تابىستادى.
«مۇنداي ساتتەر ارمانىڭا قانات ءبىتىرىپ, جاقسىلىققا سەنۋدى, ءومىردىڭ ءاربىر قاراپايىم ساتىنە بالاشا قۋانا الۋ قاسيەتىن جوعالتپاۋ كەرەكتىگىن تاعى ءبىر مارتە ەسكە سالادى. مىنا الەمدى بالالاردىڭ پاك كۇلكىسى مەن شىنايى سەزىمى نۇرلاندىرا تۇسەدى. امىرەگە مىقتى دەنساۋلىق, ارماندارىنىڭ ورىندالعانىن جانە شاتتىققا تولى باقىتتى بالالىق شاق تىلەيمىن!» دەدى ەلوردا اكىمى.
بار يگىلىك – بالالارعا
ەسكە سالا كەتەيىك, كەشە حالىقارالىق بالالاردى قورعاۋ كۇنىنە وراي 100 ۇزدىك وقۋشى اقوردادا قوناق بولدى. مەرەكە قارساڭىندا كىشكەنتاي مەيماندارعا عيمارات قۇرىلىسىنىڭ تاريحى مەن ساۋلەتتىك ەرەكشەلىكتەرى تۋرالى سىر شەرتەتىن قىزىقتى ەكسكۋرسيا ۇيىمداستىرىلدى.