ولجاس بەكتەنوۆتىڭ تاپسىرماسى بويىنشا قوعامدىق تاماقتانۋ ورىندارىندا گاز باللوندارىن ساقتاۋعا قاتىستى تالاپتاردىڭ ساقتالۋى تەكسەرىلەدى, دەپ حابارلايدى Egemen.kz.
ۇكىمەت وتىرىسىندا پرەمەر-مينيستر ولجاس بەكتەنوۆ اكىمدىكتەر مەن تجم جانە باس پروكۋراتۋراعا قوعامدىق تاماقتانۋ ورىندارىندا گاز باللوندارىنىڭ ساقتالۋى مەن پايدالانىلۋىنا باقىلاۋ جۇمىستارىن كۇشەيتۋدى تاپسىردى.
«تۇرعىن ۇيلەرگە جاپسارلاس سالىنعان نەمەسە سولاردىڭ ىشىندە ورنالاسقان قىزمەت كورسەتۋ ۇيىمدارىنا ايرىقشا نازار اۋدارۋ قاجەت. اكىمدىكتەر مەن توتەنشە جاعدايلار مينيسترلىگى باس پروكۋراتۋرامەن بىرلەسىپ, گاز باللوندارىنىڭ ساقتالۋى مەن پايدالانىلۋىن باقىلاۋ ءۇشىن قوعامدىق تاماقتانۋ ورىندارىنا تەكسەرۋ جۇرگىزسىن», دەپ اتاپ ءوتتى ولجاس بەكتەنوۆ.
كوشەدەن اس ءىشۋدىڭ تاۋەكەلى: قوعامدىق تاماقتانۋ ورىندارىنداعى قاۋىپسىزدىك دەڭگەيى قانداي؟
سونداي-اق پرەمەر-مينيستر جۇمىسكەرلەردىڭ الەۋمەتتىك قورعالۋ دەڭگەيىن ارتتىرۋ مەن جازاتايىم وقيعالاردان ساقتاندىرۋدى كۇشەيتۋدى تاپسىردى.
ء«وڭىر اكىمدىكتەرى جۇمىس بەرۋشىلەرمەن بىرگە ۇجىمدىق شارتتاردى جاساسۋ بويىنشا تۇراقتى جۇمىستاردى قولعا السىن. سونىمەن قاتار جۇمىسكەرلەردى, ونىڭ ىشىندە قۇرىلىس جانە قىزمەت كورسەتۋ سالالارىندا وقىس وقيعالاردان ساقتاندىرۋ شارتتارىنا قول قويۋ قامتاماسىز ەتىلۋى ءتيىس», دەپ اتاپ ءوتتى پرەمەر-مينيستر.
بۇعان دەيىن استانادا ارنايى رۇقساتسىز جۇمىس ىستەگەن تاماقتانۋ ورىندارى انىقتالدى.