اتىراۋ قالاسىنىڭ اكىمى شاكير كەيكين جاۋاپ الۋ ءۇشىن قۇقىق قورعاۋ ورگاندارىنا جەتكىزىلدى. قالا اكىمىن ۇقك دەپارتامەنتىنىڭ سىبايلاس جەمقورلىققا قارسى ءىس-قيمىل قىزمەتىنىڭ قىزمەتكەرلەرى وبلىس اكىمىنىڭ عيماراتىنان الىپ كەتكەن. كەيىن ول بوساتىلىپ, ۇيىنە جىبەرىلگەن, دەپ حابارلايدى Egemen.kz.
جەرگىلىكتى دەرەككوزدەردىڭ مالىمدەۋىنشە, اكىم قىلمىستىق ءىس اياسىندا سۇراقتارعا جاۋاپ بەرگەن. الايدا تەرگەۋدىڭ ءمان-جايى مەن ونىڭ پروتسەسسۋالدىق مارتەبەسى تۋرالى رەسمي اقپارات ازىرگە جاريالانعان جوق.
ەسكە سالايىق, بۇعان دەيىن ىشكى ىستەر مينيسترلىگى اتىراۋ قالالىق پوليتسيا باسقارماسىنىڭ باسشىسى مەن اتىراۋ وبلىسى پوليتسيا دەپارتامەنتىنە قاراستى ەكى باسقارمانىڭ جەتەكشىسى قىزمەتىنەن شەتتەتىلگەنىن حابارلاعان بولاتىنبىز.
ايتا كەتەيىك, اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆانىڭ جازاسى جەڭىلدەتىلدى.