ۇكىمەت وتىرىسىندا «قازمۇنايگاز» (قمگ) باسقارما توراعاسىنىڭ ورىنباسارى قۇرمانعازى ەسقازيەۆ اتالعان كومپانيانىڭ قىزمەتكەرلەرىنىڭ قاۋىپسىز ەڭبەك جاعدايىن قامتاماسىز ەتۋ ءۇشىن قابىلداپ جاتقان شارالارى تۋرالى باياندادى, دەپ حابارلايدى Egemen.kz.
ول سوڭعى بەس جىلدا جۇرگىزىلگەن جۇيەلى جۇمىستاردىڭ ناتيجەسىندە كومپانيا بىرقاتار كورسەتكىشتەردىڭ تۇراقتى تومەندەۋىنە قول جەتكىزگەنىن اتاپ ءوتتى:
وندىرىستىك جاراقات 34%-عا تومەندەگەن; جول-كولىك وقيعالارىنىڭ سانى 73%-عا قىسقارعان; 2023 جىلدان باستاپ ءورت وقيعاسى تىركەلمەگەن.«قمگ-دا جازاتايىم وقيعالاردىڭ شامامەن ۇشتەن ءبىرى جوعارى قاۋىپتى جۇمىستارمەن, سونداي-اق ۇڭعىمالاردى كۇردەلى جانە جەراستى جوندەۋ كەزىندەگى ءتۇسىرۋ-كوتەرۋ وپەراتسيالارىمەن بايلانىستى. وسى باعىتتاعى جاراقاتتانۋدى ازايتۋ ءۇشىن 2025 جىلى 60 بريگادادا قمگ-نىڭ ءوزىنىڭ ازىرلەمەسى – TUMAR كومپيۋتەرلىك كورۋ جۇيەسى ەنگىزىلدى», دەدى قۇرمانعازى ەسقازيەۆ.
اتالعان جۇيە جاساندى ينتەللەكتىنى (جي) قولدانا وتىرىپ, ناقتى ۋاقىت رەجيمىندە كەلەسىدەي جاعدايلاردى انىقتاپ, ەسكەرتۋگە مۇمكىندىك بەرەتىنى اتاپ ءوتىلدى:
جەكە قورعانىس قۇرالدارىنىڭ بولماۋى; قىزمەتكەرلەردىڭ قاۋىپتى ايماقتاردا ءجۇرۋى; جۇمىستاردى قاۋىپتى جاعدايلاردا ورىنداۋ.ەندى قاۋىپتى ءوندىرىس ورىندارى مەن شاحتالاردى جاساندى ينتەللەكت باقىلايدى
2027 جىلدىڭ سوڭىنا دەيىن TUMAR جۇيەسىمەن 242 بريگادانى جاراقتاندىرۋ جوسپارلانىپ وتىر, بۇل 100% قامتۋدى بىلدىرەدى. سونداي-اق قمگ-نىڭ بارلىق ەنشىلەس كومپانيالارىندا قاۋىپتى ەڭبەك جاعدايلارىن انىقتاۋ جانە جويۋ ءۇشىن «قورعاۋ» (Safety Card) جۇيەسى جۇمىس ىستەيدى. قىزمەتكەرلەر QR كودىن سكانەرلەۋ ارقىلى تاۋەكەلدەر تۋرالى جەدەل ەسەپ بەرە الادى. قىزمەتكەرلەردىڭ دەنساۋلىق جاعدايىن باقىلاۋ ءۇشىن ءىرى ۇيىمداردا اۋىسىم الدىنداعى مەديتسينالىق تەكسەرۋلەردىڭ (ەسمو) ەلەكتروندىق جۇيەسى ەنگىزىلدى. جۇيە ەمتيحان ۋاقىتىن 2 مينۋتقا دەيىن قىسقارتادى جانە ادامي فاكتوردى ازايتادى.
بىلتىر ماۋسىم ايىندا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ جاساندى ينتەللەكت قاۋىپسىز ءارى ينتەللەكتۋالدى ەڭبەككە جول اشاتىنىن تۋرالى ايتقان ەدى.