تسيفرلاندىرۋ شەڭبەرىندە جاساندى ينتەللەكتىنى (جي) ەنگىزۋ ارقىلى «ە-تجم» بىرىڭعاي تسيفرلىق پلاتفورماسى ازىرلەنىپ جاتىر. بۇل تۋرالى ۇكىمەت وتىرىسىندا توتەنشە جاعدايلار ءمينيسترى شىڭعىس ءارىنوۆ مالىمدەدى, دەپ حابارلايدى Egemen.kz.
اتالعان بىرىڭعاي تسيفرلىق پلاتفورمادا – قاۋىپتى وندىرىستىك نىسانداردى ەسەپكە الۋ جانە اۆاريالار مەن جاراقات الۋدىڭ دەرەكتەر بانكى كوزدەلگەنى جانە بيزنەس-ۇدەرىستەردى اۆتوماتتاندىرۋ, سونداي-اق وبەكتىلەردەگى قاۋىپ-قاتەرلەردى بولجاۋدى جۇزەگە اسىراتىنى اتالىپ ءوتتى.
جاساندى ينتەللەكت قاۋىپسىز ءارى ينتەللەكتۋالدى ەڭبەككە جول اشادى-ج.ماديەۆ
«وندىرىستىك نىساندارعا مونيتورينگ جۇرگىزۋ مەن ولاردى باقىلاۋ جۇيەلەرىنىڭ ينتەگراتسياسى جالعاسىپ جاتىر. وتكەن جىلى مەملەكەت باسشىسىنىڭ تاپسىرماسى بويىنشا 55 شاحتا مەن كەن ورنى تەكسەرىلدى. ونىڭ ىشىندەگى 45 وبەكتىدە جاڭا قاۋىپسىزدىك جۇيەلەرى ورناتىلدى. بۇگىنگى تاڭدا 14 شاحتا مەن كەن ورنىنداعى بەينەباقىلاۋ جانە پوزيتسيالاۋ جۇيەلەرى مينيسترلىكتىڭ داعدارىس ورتالىعىنا قوسىلعان, بۇل جاعدايدى باقىلاپ, جەدەل دەن قويۋدى ونلاين رەجيمىندە جۇزەگە اسىرۋ مۇمكىندىك بەرەدى», دەدى ش. ءارىنوۆ.
ايتا كەتەيىك, ءوندىرىس ورىندارىندا بولاتىن جازاتايىم وقيعالارعا بايلانىستى داۋ ازايماي تۇرعانى ايتىلعان.