پرەمەر-مينيستر ولجاس بەكتەنوۆ سينگاپۋرلىق «XINFA GROUP» كومپانياسى باسقارما توراعاسىنىڭ ورىنباسارى چجاو تينيۋنمەن پاۆلودار وبلىسىندا سالىناتىن ونەركاسىپ پاركىنە دايىندىق بارىسىن تالقىلادى.
بۇگىندە ەلىمىزدە پرەزيدەنتتىڭ تاپسىرماسى اياسىندا ەكونوميكانى ارتاراپتاندىرۋعا ءارى وڭدەۋشى ونەركاسىپتى قولداۋعا باعىتتالعان ينۆەستيتسيالىق ساياسات ءجۇرىپ جاتىر. كەزدەسۋ بارىسىندا جوبانىڭ اعىمداعى جاعدايىنا نازار اۋدارىلدى.
چجاو تينيۋن قازىر جەر ۋچاسكەسى ايقىندالىپ, كومپانيا پارك قۇرىلىسىن جۇزەگە اسىرۋعا جوبالاۋ ينستيتۋتىن تارتقانىن اتاپ ءوتتى.
پرەمەر-مينيستر مەملەكەتتىك ورگاندارعا جالپى ينۆەستيتسيا كولەمى 15 ملرد دوللار بولاتىن ءىرى ينۆەستيتسيالىق جوبانى ىسكە قوسۋعا جاردەم كورسەتۋدى تاپسىردى. جوبا ءوڭىر مەن تۇتاستاي العاندا ەلدىڭ دامۋىنا مۋلتيپليكاتيۆتىك اسەر ەتەدى.
تولىق تسيكلدى ونەركاسىپ پاركىن قۇرۋ تۋرالى تۇجىرىمدامادا بوكسيتتەردى تەرەڭ وڭدەۋ جولىمەن اليۋمينيگە اينالدىراتىن جوعارى ينتەگراتسيالانعان ءوندىرىس قۇرۋ قاراستىرىلعان. اليۋميني توتىعىن وندىرەتىن كاسىپورىنداردىڭ قۋاتىن جىلىنا 4,8 ملن توننا, ەلەكتروليتتىك ءاليۋمينيدى 2,4 ملن توننا دەڭگەيىندە ۇستاپ تۇرۋ جوسپارلانىپ وتىر. تەرەڭ وڭدەۋ كولەمى جىل سايىن 1,2 ملن توننانى قۇرايدى. جوبانى جۇزەگە اسىرۋ 10 مىڭ ادامدى جۇمىسپەن قامتاماسىز ەتۋگە مۇمكىندىك بەرەدى. وندىرىستىك نىسانداردىڭ قۇرىلىسى بيىل باستالادى. 1-كەزەكتى ىسكە قوسۋ 2028 جىلى, جوبالىق قۋاتقا شىعۋ 2029 جىلى جۇزەگە اسىرىلماق.