ماڭعىستاۋ وبلىسىندا قاتتى جاۋىن-شاشىن سالدارىنان مال شىعىنى تىركەلىپ, فەرمەرلەر بيلىكتەن وتەماقى تولەۋدى جانە ولگەن مالدى جويۋ جۇمىستارىن ۇيىمداستىرۋدى سۇراپ وتىر, دەپ حابارلايدى Egemen.kz.
Lada.kz-ءتىڭ جازۋىنشا قاراقيا اۋدانىندا ەكى كۇن ىشىندە مالدىڭ جاپپاي قىرىلۋى تىركەلگەن. فەرمەرلەردىڭ ايتۋىنشا, جاۋىن-شاشىن سالدارىنان جەر باتپاقتانىپ, مال جۇرە الماي قالعان.
اۋدان اكىمدىگىنىڭ مالىمەتىنشە, 20–21 ءساۋىر ارالىعىندا جالپى 553 باس مال قىرىلعان. ونىڭ ىشىندە جىلقى, ق ۇلىن, تۇيە, قوزى-لاق جانە باسقا دا مال تۇرلەرى بار.
17 جىل مال باققان شوپان كۇدىككە ءىلىندى: جەتىسۋ وبلىسىندا ءىرى كولەمدەگى مال ۇرلىعى اشىلدى
ماڭعىستاۋ وبلىسى اكىمدىگى قازىرگى ۋاقىتتا جەردى قالپىنا كەلتىرۋ, ارنايى تەحنيكانى تارتۋ جانە ولگەن مالدى ۆەتەرينارلىق تالاپتارعا ساي جويۋ جۇمىستارىن جۇرگىزىپ جاتقانىن حابارلادى. سونداي-اق مالدى ەسەپكە الۋ جانە سايكەستەندىرۋ جۇمىستارى (چيپ ارقىلى) ءجۇرىپ جاتىر.
زالالدىڭ ورنىن تولتىرۋ ماسەلەسى قولدانىستاعى زاڭناما اياسىندا قارالاتىنى ايتىلدى.
بۇعان دەيىن دە وڭىردە قولايسىز اۋا رايى سالدارىنان تۇرعىن ۇيلەر مەن شارۋاشىلىق نىساندارى زارداپ شەككەنى حابارلانعان.