مەملەكەت باسشىسى نۇرسۇلتان نازارباەۆ مەملەكەتتىك قىزمەت ىستەرى مينيسترى تالعات دوناقوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ت.دوناقوۆ تاياۋدا قۇرىلعان مينيسترلىك قىزمەتىنىڭ وسى ارالىقتاعى ناتيجەلەرى, سونداي-اق, مەملەكەتتىك قىزمەت جۇيەسىنىڭ قازىرگى احۋالى تۋرالى باياندادى.
قازاقستان پرەزيدەنتى «ۇلت جوسپارى» اياسىنداعى كاسىبي مەملەكەتتىك اپپارات قالىپتاستىرۋعا باعىتتالعان رەفورمالاردى ءتيىمدى جۇزەگە اسىرۋدىڭ ماڭىزدىلىعىنا نازار اۋداردى.
ت.دوناقوۆ بيىلعى ءبىرىنشى توقساندا مينيسترلىكتى ۇيىمداستىرۋ كەزەڭى اياقتالعانىن, ونىڭ ورتالىق جانە وڭىرلىك دەڭگەيدەگى قۇرىلىمى ايقىندالعانىن ايتتى. مينيسترلىك باسەكەگە قابىلەتتى كادرلار قۇرامىنان جاساقتالدى جانە قويىلعان مىندەتتەردى ورىنداۋعا دايىن.
مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى.
سۋرەتتەردى تۇسىرگەندەر
س.بوندارەنكو, ب.وتارباەۆ