قوستاناي. 11 مامىر. قوستاناي وبلىسىنىڭ توتەنشە جاعدايلار دەپارتامەنتى ازاماتتىق قورعانىس باسقارماسىمەن بىرلەسىپ, ب. مومىش ۇلى اتىنداعى №5 ورتا شەندى كادەتتەر مەكتەبىنىڭ وقۋشىلارى ءۇشىن اشىق ەسىك كۇنىن وتكىزدى. بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قوستاناي قالالىق №2 ارنايى مامانداندىرىلعان ءورت ءسوندىرۋ بولىمىنە بارۋ كەزىندە بالالارعا ءورت ءسوندىرۋ-قۇتقارۋ ءبولىمىنىڭ جۇمىسى تۋرالى اڭگىمەلەندى, وتپەن كۇرەسۋشىلەر قولداناتىن جابدىقتار كورسەتىلىپ ونىڭ ەرەكشەلىكتەرى ءتۇسىندىرىلدى. وقىتۋ سىنىبىندا بالالارعا ءورت ءسوندىرۋشىنىڭ اسكەري كيىمى, ءورت ءسوندىرۋدىڭ العاشقى قۇرالدارى مەن ءتۇتىن تاراعان عيماراتتا جۇمىس كەزىندە ءورت سوندىرۋشىلەر قولداناتىن دەمالۋ اپپاراتتارى تانىستىرىلدى.
سودان سوڭ بالالارعا توتەنشە جاعدايلار دەپارتامەنتى مۇراجايىنا ەكسكۋرسيا ۇيىمداستىرىلدى, وندا ولارعا ءار كەزەڭدەگى ەكسپوناتتار – 1914 جىلعى قول سورعىسى, حح عاسىر ورتاسىنداعى بايلانىس قۇرالدارى, زاماناۋي قۇتقارۋشى جابدىقتار كورسەتىلدى.
وقۋشىلار ەكسكۋرسيا جەتەكشىسىن قىزىعۋشىلىقپەن تىندادى, العاشقى ءورت ءسوندىرۋشى كولىكتەرىنىڭ سۋرەتتەرى بار كوركەم كەنەپتەرمەن, كەڭەس وداعى باتىرلارى مەن قىزمەت ارداگەرلەرىنىڭ فوتو سۋرەتتەرىمەن تانىستى.
مۇنداي ءىس-شارالار بولاشاق ۇرپاقتى پاتريوتتىققا تاربيەلەۋ, قۇتقارۋشى ماماندىعىن تانىتۋ ماقساتىندا جۇرگىزىلەدى.
ءنازيرا جارمبەتوۆا.
دەرەك, فوتو: قوستاناي وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.