استانا. 11 مامىر. تۇركيانىڭ وڭتۇستىك-شىعىسىنداعى ديارباكىر قالاسىندا بولعان لاڭكەستىك ارەكەتتەن 3 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
CNN Türk تەلەارناسىنىڭ حابارلاۋىنشا, وقيعا جەرگىلىكتى ۋاقىت بويىنشا ساعات 16:30-دا ورتالىق اۋدانداردىڭ بىرىندە بولعان. سودىرلار جارىلعىش زات ورناتىلعان ءاۆتوموبيلدى پوليتسيا كولىكتەرى ءوتىپ بارا جاتقان كەزدە جارىپ جىبەرگەن. سالدارىنان تاعى 22 ادام ءتۇرلى دەڭگەيدە جاراقات الدى.
تەررورلىق ارەكەتتى قاي توپتىڭ جاساعانى بەلگىسىز. الايدا, بولجام بويىنشا بۇل ىسكە «كۇردىستان جۇمىسشىلار پارتياسىنىڭ» قاتىسى بولۋى مۇمكىن. سەبەبى, سوڭعى ايلاردا ديارباكىر قالاسىنىڭ ماڭايىندا ۇكىمەت اسكەرى مەن اتالعان ۇيىمنىڭ اراسىندا قاقتىعىستار ءجيى ورىن الۋدا.
ايتا كەتەيىك, وتكەن ايدىڭ 15 ساۋىرىندە بىرنەشە پروۆينتسيادا وتكەن ارنايى وپەراتسيا كەزىندە ونداعان ەكسترەميست قازا تاپتى. ال مالىمەتتەر بويىنشا, وسىعان دەيىنگى قاقتىعىستار كەزىندە بارلىعى 600 سودىردىڭ كوزى جويىلعان.
ايان ءابدۋالي.
دەرەك: تاسس.
فوتو: ريا «نوۆوستي».