ۇلى وتان سوعىسىنداعى جەڭىس كۇنىنىڭ قارساڭىندا قازاقستاننىڭ رەسەيدەگى ەلشىلىگىنىڭ قىزمەتكەرلەرى كەڭەس وداعىنىڭ قاھارماندارى ءاليا مولداعۇلوۆا مەن باۋىرجان مومىش ۇلى اتىنداعى ماسكەۋدىڭ №402 جانە №1912 (زەلەنوگراد) مەكتەپتەرىنە باردى.
قازاقستان ديپلوماتتارى مەكتەپ وقۋشىلارى ۇيىمداستىرعان قاھارمانداردى ەسكە الۋ سالتاناتتى شارالارىنا قاتىسىپ, باتىرلاردىڭ ەسكەرتكىشتەرىنە گۇلدەر قويدى.
ءىس-شارالارعا سوعىس جانە ەڭبەك ارداگەرلەرى, ماسكەۋدەگى قانداستارىمىز جانە ستۋدەنتتەر قاتىستى.
مەكتەپ وقۋشىلارى مەرەكەلىك كونتسەرت ۇيىمداستىرىپ, سوڭىنان قوناقتاردى مەكتەپ جانىندا قۇرىلعان ءاليا مولداعۇلوۆاعا جانە باۋىرجان مومىش ۇلىنا ارنالعان مۇراجايلارمەن تانىستىردى.
«ەگەمەن-اقپارات»