موڭعولياداعى قازاق گەنەرالى

قۇرمەتپەن ەسكە الىنىپ, رۋحىنا تاعزىم ەتىلدى موڭعوليانىڭ استاناسى – ۋلان-باتور قالاسىندا موڭعوليانىڭ اتاق­تى قازاق ۇشقىشى, موڭعوليا اۋە كۇش­تەرىنىڭ باس قولباسشىسى, گەنەرال-مايور ءمۇدارىس زايسانوۆتى ەسكە الۋعا ارنالعان شارا وتكىزىلدى. ونى قازاقستاننىڭ موڭعولياداعى ەلشىلىگى وتان قورعاۋشى كۇنىنە وراي ۇيىمداستىردى. شارا باتىردىڭ بەيىتىندەگى قۇلپى­تاسقا گۇل شوقتارىن قويۋدان باستالدى. راسىمگە قازاقستان رەسپۋب­ليكاسىنىڭ موڭعولياداعى ەلشىسى قالىبەك قوب­لاندين, موڭعوليا پارلامەنتىنىڭ دەپۋتاتتارى تىلەيحان المالىق, باكەي اعىپار, جازۋشى, موڭعوليانىڭ بەلگىلى قوعام قايراتكەرى سۇلتان تاۋكەي ۇلى جانە موڭعوليانىڭ ەڭبەك سىڭىرگەن ۇشقىشى, وتستاۆكاداعى پودپولكوۆنيك ءتاشتۋان توتەي ۇلى قاتىستى. ءمۇدارىس زايسانوۆ – موڭعوليا قارۋلى كۇشتەرىندە قىزمەت اتقارىپ, گەنەرال-مايور دارەجەسىنە دەيىن جەتكەن. ول 1910 جىلى قازىرگى شىعىس قازاق­ستان وبلىسىنا قاراستى زايسان ءوڭىرىن­دە تۋعان. ال 1920 جىلدارى ونىڭ 10 جاسىندا اتا-اناسى موڭعولياعا قونىس اۋدار­عان. بولاشاق داڭقتى ۇشقىش 1932 جىلى ورىنبور ۇشقىشتار دايارلايتىن ۋچيليششەسىن بىتىرگەن. ول ەكىنشى دۇنيە­جۇ­زىلىك سوعىستىڭ الدىندا حالحين-گول شايقاسىنا قاتىسىپ, تەڭدەسسىز ەرلىك­تىڭ ۇلگىسىن كورسەتكەن. وسى ءۇشىن موڭ­عوليا مەن كەڭەس وداعىنىڭ ەڭ جوعارعى ناگرادالارىنىڭ ءبىرى – «قىزىل تۋ» وردەنىمەن ماراپاتتالعان. ال 1942 جىلى گەنەرال-مايور شەنىندە موڭعوليا اۋە اسكەرلەرىنىڭ باس قولباسشىسى لاۋازىمىنا تاعايىندالعان. گەنەرال ءمۇدارىس زايسانوۆ 1967 جىلى 57 جاسىندا ۋلان-باتوردىڭ اسكەري گوسپيتالىندە قايتىس بولعان.  مۇرات ايتقوجا