اقتوبە. 9 مامىر. «نۇر وتان» پارتياسى اقتوبە وبلىستىق فيليالىنىڭ عيماراتىندا مەدياتسيا بولمەسى اشىلدى. بۇل تۋرالى egemen.kz ءتىلشىسى حابارلادى.
ونىڭ اشىلۋ سالتاناتىنا سۋديالار وداعى اقتوبە فيليالىنىڭ توراعاسى ا.قالمۇحامبەتوۆ, سوتتار اكىمشىسى ا.مامبەتوۆ, «نۇر وتان» پارتياسى اقتوبە وبلىستىق فيليالىنىڭ وكىلى ب.اكزاموۆ, «باتىس قازاقستان مەدياتسيا جانە كەلىسسوزدەر پروتسەسى ورتالىعى» جەكە مەكەمەسىنىڭ ديرەكتورى ا.كۋرتاەۆا, وبلىستىڭ كاسىبي مەدياتورلارى قاتىستى.
شارانىڭ اشىلۋ سالتاناتىندا ءسوز العان سوتتار اكىمشىسى ا.مامبەتوۆ باستى ماقسات سوتتان تىس داۋلاردى شەشۋ ارتىقشىلىقتارى, مەدياتسيا تۋرالى زاڭىنىڭ ەرەجەلەرىن ازاماتتاردىڭ نازارىنا جەتكىزۋ بولىپ تابىلاتىندىعىن اتاپ ءوتتى. قازىرگى تاڭدا سوتتار مەدياتسيانى قولدانۋ تارتىبىمەن شەشىلۋ مۇمكىندىگى بار ىستەرمەن جۇكتەلگەن. مەدياتسيا بولمەسىنىڭ اشىلۋى حالىققا داۋلاردى سوتتان تىسجاعدايدا شەشۋدىڭ ارتىقشىلىقتارىن ءبىلۋ مۇمكىندىگىن بەرەدى.
كەزدەسۋ بارىسىندا سۋديالار وداعى اقتوبە فيليالىنىڭ توراعاسى ا.قالمۇحامبەتوۆ مەدياتسيا بولمەسىنىڭ اشىلۋى سوت قورعاۋىنا جۇگىنبەي-اق داۋلاردى شەشەتىن, قازىرگى تاڭدا بىتىمگەرلىك كەلىسىمدى قولدانۋ قاجەتتىلىگى بار ۋاقتىلى جانە نەگىزگى قادام بولىپ تابىلادى دەپ اتاپ ءوتتى. مەدياتور ورتالىقتارى ۇساق داۋ-جانجالداردى دەربەس شەشۋ مۇمكىندىگىن قامتاماسىز ەتىپ, قازىرگىزامانعى ازاماتتىق قوعامدى قالىپتاستىرۋدا ايتارلىقتاي قولداۋ كورسەتە الادى.
فەميدا وكىلدەرىنىڭ اقپاراتتارىنا ساي, مەدياتسيا تارتىبىمەن اعىمداعى جىلدىڭ 1 توقسانىندا 219 ءىس, ونىڭ ىشىندە 142 قىلمىستىق ءىس جانە 77 ازاماتتىق ءىس قارالعان.
كەزدەسۋگە قاتىسۋشىلار كەڭسە جابدىقتارى مەن ادىستەمەلىك نۇسقاۋلار, قاجەتتى جيھازدارمەن جابدىقتالعان مەدياتسيا بولمەسىىمەن تانىستى. سونىمەن قاتار, مەدياتسيا بولمەسىىندە 2 اقپاراتتىق باننەر, مەدياتسيانى قولدانۋ سالاسى تۋرالى, بىتىمگەرلىك كەلىسىم پروتسەدۋرالارىن جۇرگىزۋ پرينتسيپتەرى جانە كاسىبي جانە كاسىبي ەمەس مەدياتورلاردىڭ ءتىزىمى تۋرالى اقپاراتتارى بار ارنايى ستەند جاساقتاللعان. كەزدەسۋ سوڭىندا قاتىسۋشىلار ءوزارا ىنتىماقتاستىق تۋرالى مەموراندۋمعا قول قويدى.
ساتىبالدى ءساۋىرباي.
دەرەك, فوتو: egemen.kz
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e