استانا. 9 مامىر. قازاقستان پرەزيدەنتى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەستى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلاستى.
كەزدەسۋ بارىسىندا مەملەكەت باسشىلارى ەكىجاقتى ىنتىماقتاستىقتىڭ قازىرگى اسپەكتىلەرىن, سونداي-اق, كۇن تارتىبىندەگى بىرقاتار وڭىرلىك جانە حالىقارالىق ماسەلەلەردى تالقىلادى.
نۇرسۇلتان نازارباەۆ ۆلاديمير ءپۋتيندى ۇلى وتان سوعىسىنداعى جەڭىستىڭ 71 جىلدىعىمەن جانە ۆوستوچنىي عارىش ايلاعىنان العاشقى زىمىران ۇشىرىلۋىمەن قۇتتىقتادى.
«بۇگىندە كەز كەلگەن مەملەكەت وسىنداي زاماناۋي عارىش ايلاعىن ىسكە قوسا المايدى. بۇل ءسىزدىڭ قولىڭىزدان كەلدى. ءسىزدىڭ ەل ءۇشىن وسى ءبىر تاريحي وقيعا كوپتەگەن ۇرپاقتىڭ جادىندا قالاتىن بولادى», – دەدى مەملەكەت باسشىسى.
سونىمەن قاتار, نۇرسۇلتان نازارباەۆ بيىل جوعارى ەۋرازيالىق ەكونوميكالىق كەڭەستىڭ وتىرىسى, شانحاي ىنتىماقتاستىعى ۇيىمىنىڭ ءسامميتى جانە تمد مەملەكەتتەرى باسشىلارىنىڭ كەڭەسى وتەتىنىن ەسكە سالدى.
«بيىل كۇن تارتىبىندە كوپ كەزدەسۋ بار, باعدارلاما اۋقىمدى. قازىرگى كۇردەلى كەزەڭدە ەۋرازيالىق ەكونوميكالىق وداق قالىپتى رەجيمدە دامىپ جاتىر. داعدارىس ۋاقىتىندا تۋىنداپ جاتقان قيىندىقتاردى ەڭسەرۋگە بولادى», – دەپ اتاپ ءوتتى قازاقستان پرەزيدەنتى.
رەسەي پرەزيدەنتى ۇلى وتان سوعىسىنداعى جەڭىستىڭ 71 جىلدىعىنا ارنالعان پارادقا قاتىسۋ ماقساتىمەن ماسكەۋگە كەلگەنى ءۇشىن نۇرسۇلتان نازارباەۆقا العىس ايتتى.
«ءبىزدىڭ قارىم-قاتىناسىمىز دا وسىلاي جاقسى ءارى جان-جاقتى دامي بەرەتىنىنە سەنىمدىمىن. بۇگىن ءسىز كورسەتكەن ءىلتيپات ەرتەڭگى كۇنى دە ءوزارا سەنىمدى نىعايتىپ, دوستىق بايلانىستارىمىزدىڭ بۇدان ءارى دامي بەرۋى ءۇشىن جاقسى جاعداي قالىپتاستىراتىنى ءسوزسىز», – دەدى ۆلاديمير پۋتين.
تالعات رايىمبەك.
دەرەك, فوتو: akorda.kz.