استانا. 8 مامىر. اۋعانستاننىڭ شىعىسىنداعى گازني پروۆينتسياسىندا ەكى جولاۋشىلار اۆتوبۋسى سوقتىعىسىپ, 73 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
اپات سالدارىنان تاعى 50-دەن استام ادام ءتۇرلى دەڭگەيدە جاراقات الدى. ولاردىڭ اراسىندا ايەلدەر مەن بالالار دا بار. وقيعا جەرگىلىكتى ۋاقىت بويىنشا, ساعات 06:30 كەزىندە كابۋل مەن كانداگار قالالارىنىڭ اراسىندا بولدى. مالىمەتتەر بويىنشا قوس اۆتوبۋستىڭ ىشىندە 120 ادام بولعان.
اپات سالدارىنان ءبىر كولىك تۇتاستاي ورتەنىپ كەتتى. جاراقات العانداردىڭ ءبارى جاقىن جەردەگى اۋرۋحانالارعا جەتكىزىلدى. جول-كولىك وقيعاسىنىڭ نەگىزگى سەبەبى ازىرگە بەلگىسىز. قازىر پوليتسيا قىزمەتكەرلەرى تەرگەۋ امالدارىن جۇرگىزىپ جاتىر.
ايان ءابدۋالي.
دەرەك: ريا «نوۆوستي».
فوتو: flickr.com.