2015 جىلعى 19 جەلتوقسان, الماتى قالاسى
ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنا جانە قور بيرجاسىنىڭ ليستينگتىك كوميسسياسىنىڭ قۇرامىنا قويىلاتىن تالاپتاردى, سونداي-اق قور بيرجاسىنىڭ ساۋدا جۇيەسىندە جاسالاتىن مامىلەلەردى قاداعالاۋ جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ قۇرىلىمدىق بولىمشەسىنىڭ قىزمەتىن جۇزەگە اسىرۋ قاعيدالارىن بەكىتۋ تۋرالى
«باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. مىنالار:
1) وسى قاۋلىعا 1-قوسىمشاعا سايكەس ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنا جانە قور بيرجاسىنىڭ ليستينگتىك كوميسسياسىنىڭ قۇرامىنا قويىلاتىن تالاپتار;
2) وسى قاۋلىعا 2-قوسىمشاعا سايكەس قور بيرجاسىنىڭ ساۋدا جۇيەسىندە جاسالاتىن مامىلەلەردى قاداعالاۋ جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ قۇرىلىمدىق بولىمشەسىنىڭ قىزمەتىن جۇزەگە اسىرۋ قاعيدالارى بەكىتىلسىن.
2. وسى قاۋلىعا 3-قوسىمشاعا سايكەس قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ كۇشى جويىلدى دەپ تانىلسىن.
3. باعالى قاعازدار نارىعىنىڭ سۋبەكتىلەرىن قاداعالاۋ دەپارتامەنتى (حادجيەۆا م.ج.) زاڭنامادا بەلگىلەنگەن تارتىپپەن:
1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن.
4. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن.
5. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى و.ا. سمولياكوۆقا جۇكتەلسىن.
6. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ۇلتتىق بانك توراعاسى د.اقىشەۆ
قازاقستان رەسپۋبليكاسى ۇلتتىق بانكى باسقارماسىنىڭ
2015 جىلعى 19 جەلتوقسانداعى № 249 قاۋلىسىنا 1-قوسىمشا
ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنا جانە قور
بيرجاسىنىڭ ليستينگتىك كوميسسياسىنىڭ قۇرامىنا قويىلاتىن تالاپتار
1. وسى ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنا جانە قور بيرجاسىنىڭ ليستينگتىك كوميسسياسىنىڭ قۇرامىنا قويىلاتىن تالاپتار (بۇدان ءارى – تالاپتار) «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەنگەن.
2. ساۋدا-ساتتىقتى ۇيىمداستىرۋشى ورگانى بولىپ:
1) جوعارعى ورگانى – اكتسيونەرلەردىڭ جالپى جينالىسى;
2) باسقارۋ ورگانى – ديرەكتورلار كەڭەسى;
3) اتقارۋشى ورگانى – باسقارما.
3. ليستينگ, دەليستينگ نەمەسە باعالى قاعازدار ءتىزىمىنىڭ ساناتىن اۋىستىرۋ ماسەلەلەرى بويىنشا شەشىم قابىلداۋ ءۇشىن قۇزىرەتىنە وسى ماسەلەلەردى قاراۋ جانە ولار بويىنشا شەشىم قابىلداۋ كىرەتىن قور بيرجاسىنىڭ ورگانى (بۇدان ءارى - ليستينگتىك كوميسسيا) قۇرىلادى.
4. ليستينگتىك كوميسسيا تاق سانى بار مۇشەلەردەن تۇرادى. ليستينگتىك كوميسسيا مۇشەلەرىنىڭ سانى جەتى ادامنان كەم بولمايدى.
5. ليستينگتىك كوميسسيانىڭ قۇرامىنا:
1) قارجى نارىعىن جانە قارجى ۇيىمدارىن رەتتەۋ, باقىلاۋ مەن قاداعالاۋ جونىندەگى ۋاكىلەتتى مەملەكەتتىك ورگاننىڭ (بۇدان ءارى – ۋاكىلەتتى ورگان) وكىلى;
2) قور بيرجاسى باسقارماسىنىڭ قور بيرجاسىنىڭ ساۋدا جۇيەسىنە اينالىسقا جىبەرىلگەن باعالى قاعازدار ءتىزىمىنىڭ ليستينگى, دەليستينگى نەمەسە ساناتىن اۋىستىرۋ ماسەلەلەرىنە جەتەكشىلىك ەتەتىن مۇشەسى;
3) قور بيرجاسىنىڭ ديرەكتورلار كەڭەسىنىڭ مۇشەلەرى كىرەدى.
6. ليستينگتىك كوميسسيانىڭ قۇرامى قور بيرجاسىنىڭ ديرەكتورلار كەڭەسىنىڭ شەشىمىمەن بەكىتىلەدى.
7. ديرەكتورلار كەڭەسى ليستينگتىك كوميسسيانىڭ توراعاسىن ليستينگتىك كوميسسيانىڭ مۇشەلەرى اراسىنان سايلايدى.
مىنالار:
1) قور بيرجاسى باسقارماسىنىڭ مۇشەلەرى;
2) ۋاكىلەتتى ورگاننىڭ وكىلى ليستينگتىك كوميسسيانىڭ توراعاسى جانە ليستينگتىك كوميسسيانىڭ مۇشەلەرى بولىپ سايلانبايدى.
8. ليستينگتىك كوميسسيانىڭ وتىرىستارى ۋاكىلەتتى ورگاننىڭ وكىلىن قوسا العاندا, ليستينگتىك كوميسسيا مۇشەلەرىنىڭ جالپى سانىنان كەم دەگەندە ۇشتەن ەكىسى وتىرىسقا قاتىسۋ تالابىمەن قاجەتتىلىگىنە قاراي وتكىزىلەدى.
ليستينگتىك كوميسسيانىڭ وتىرىسىنا قاجەتتىلىگىنە قاراي باعالى قاعاز ەميتەنتىنىڭ جانە جاسالعان شارتقا سايكەس ەميتەنتكە ونىڭ باعالى قاعازدارىن ساۋدا-ساتتىقتى ۇيىمداستىرۋشىنىڭ رەسمي تىزىمىنە ەنگىزۋ ماسەلەلەرى بويىنشا كونسۋلتاتسيالىق قىزمەتتەر كورسەتەتىن ۇيىمنىڭ وكىلدەرى (بۇدان ءارى – قارجى كونسۋلتانتى) شاقىرىلادى.
9. ليستينگتىك كوميسسيانىڭ شەشىمى ونىڭ قابىلدانۋىنا ليستينگتىك كوميسسيا مۇشەلەرىنىڭ جالپى سانىنىڭ كەم دەگەندە ۇشتەن ەكىسى داۋىس بەرسە قابىلدانادى.
10. ليستينگتىك كوميسسيا قىزمەتىنىڭ ءتارتىبى قور بيرجاسىنىڭ ىشكى قۇجاتتارىندا ايقىندالادى.
11. قور بيرجاسى ەميتەنتتەر ءاۋديتىنىڭ ماسەلەلەرى بويىنشا قور بيرجاسى ديرەكتورلار كەڭەسىنىڭ كوميتەتىن (بۇدان ءارى - ەميتەنتتەر ءاۋديتى جونىندەگى كوميتەت) قۇرادى, ولاردىڭ فۋنكتسيالارى مىنالار بولىپ تابىلادى:
1) ەميتەنتتەردىڭ قارجىلىق ەسەپتىلىگى بويىنشا اۋديتورلىق ەسەپتەردى (ەميتەنتتەردىڭ قارجىلىق ەسەپتىلىگىن ارالىق شولۋ بويىنشا اۋديتورلىق ۇيىمداردىڭ ەسەپتەرىن) قاراۋ, ولاردىڭ باعالى قاعازدارى قور بيرجاسىنىڭ رەسمي تىزىمىنە ەنگىزىلۋى بولجانۋدا نەمەسە ەنگىزىلگەن, وسى قاۋلىنىڭ 21-تارماعىنىڭ 1) جانە 2) تارماقشالارىندا كورسەتىلگەن قور بيرجاسى بولىمشەسىنىڭ سۇراۋى بويىنشا كورسەتىلگەن ەسەپتەردى قاراۋ ناتيجەلەرى تۋرالى تيىسىنشە اقپاراتتى دايىنداۋ;
2) قور بيرجاسىنىڭ رەسمي تىزىمىنە ەميتەنتتەردىڭ بولۋى جانە ولاردىڭ باعالى قاعازدارىن ەنگىزۋ ءۇشىن قور بيرجاسىمەن تانىلاتىن اۋديتورلىق ۇيىمداردىڭ تىزبەسىن قالىپتاستىرۋ;
3) قور بيرجاسىنىڭ ىشكى قۇجاتتارىمەن بەلگىلەنگەن فۋنكتسيالار.
12. ەميتەنتتەر ءاۋديتى جونىندەگى كوميتەتتىڭ قۇرامىنا:
1) ۋاكىلەتتى ورگاننىڭ وكىلى;
2) قور بيرجاسى باسقارماسىنىڭ مۇشەلەرى;
3) نەگىزگى فۋنكتسياسى باعالى قاعازدار ليستينگى بولىپ تابىلاتىن قور بيرجاسىنىڭ قۇرىلىمدىق بولىمشەسىنىڭ باسشىسى;
4) نەگىزگى فۋنكتسياسى باعالى قاعازداردىڭ ليستينگتىك تالاپتارعا بولاشاقتا سايكەس كەلۋىنە مونيتورينگ جۇرگىزۋ بولىپ تابىلاتىن قور بيرجاسىنىڭ قۇرىلىمدىق بولىمشەسىنىڭ باسشىسى;
5) قور بيرجاسىنىڭ ديرەكتورلار كەڭەسىنىڭ مۇشەلەرى كىرەدى.
ەميتەنتتەر ءاۋديتى جونىندەگى كوميتەتتىڭ شەشىمى بويىنشا ونىڭ وتىرىستارىنا قاتىسۋ ءۇشىن اۋديت جانە قارجىلىق ەسەپتىلىك سالاسىندا كاسىبي ءبىلىمى بار ساراپشىلار شاقىرىلادى.
13. ەميتەنتتەر ءاۋديتى جونىندەگى كوميتەتتىڭ قۇرامى قور بيرجاسىنىڭ ديرەكتورلار كەڭەسىنىڭ شەشىمىمەن بەكىتىلەدى.
14. ەميتەنتتەر ءاۋديتى جونىندەگى كوميتەتتىڭ توراعاسىن قور بيرجاسىنىڭ ديرەكتورلار كەڭەسى وسى كوميتەت مۇشەلەرىنىڭ اراسىنان سايلايدى.
15. ەميتەنتتەر ءاۋديتى جونىندەگى كوميتەتتىڭ وتىرىستارى قاجەتتىلىگىنە قاراي وتكىزىلەدى.
16. ەميتەنتتەر ءاۋديتى جونىندەگى كوميتەتتىڭ قىزمەت ءتارتىبى قور بيرجاسىنىڭ ىشكى قۇجاتتارىندا ايقىندالادى.
17. مەنشىكتى اكتيۆتەر ەسەبىنەن قارجى قۇرالدارىمەن مامىلەلەر جاساسۋ بويىنشا ينۆەستيتسيالىق شەشىم قابىلداۋ ءۇشىن قور بيرجاسى قۇرامى ءۇش ادامنان كەم ەمەس ينۆەستيتسيالىق كوميتەتتى قۇرادى.
18. مىنالار:
1) قور بيرجاسى باسقارماسىنىڭ مۇشەلەرى;
2) تاۋەكەلدەردى باسقارۋدى جۇزەگە اسىراتىن قور بيرجاسى بولىمشەسىنىڭ باسشىسى;
3) وسى تارماقتىڭ 1) جانە 2) تارماقشالارىندا كورسەتىلگەن قىزمەتكەرلەردەن باسقا قور بيرجاسىنىڭ قىزمەتكەرلەرى ينۆەستيتسيالىق كوميتەتتىڭ قۇرامىنا كىرەدى.
19. ينۆەستيتسيالىق كوميتەتتىڭ قىزمەتىنىڭ ءتارتىبى قور بيرجاسىنىڭ ىشكى قۇجاتتارىندا بەلگىلەنەدى.
20. ساۋدا-ساتتىقتى ۇيىمداستىرۋشىنىڭ ۇيىمداستىرۋشىلىق قۇرىلىمىنا نەگىزگى فۋنكتسيالارى مىنالار:
1) قارجى قۇرالدارىمەن ساۋدا-ساتتىقتى ۇيىمداستىرۋ;
2) اقپاراتتى وندەۋ جانە تاراتۋ;
3) ساۋدا-ساتتىقتى ۇيىمداستىرۋشىنىڭ قىزمەتىن باعدارلامالىق قامتاماسىز ەتۋ;
4) ساۋدا-ساتتىقتى ۇيىمداستىرۋشىنىڭ قىزمەتىن تەحنيكالىق قامتاماسىز ەتۋ;
5) تاۋەكەلدەردى سايكەستەندىرۋ, باعالاۋ جانە ولارعا مونيتورينگ جۇرگىزۋ;
6) ىشكى اۋديت جانە باقىلاۋ بولىپ تابىلاتىن دەربەس بولىمشەلەر كىرەدى.
21. قور بيرجاسىنىڭ ساۋدا-ساتتىقتى ۇيىمداستىرۋشىسىنىڭ ۇيىمدىق قۇرىلىمىنا نەگىزگى فۋنكتسيالارى مىنالار:
1) باعالى قاعازدار ليستينگى;
2) باعالى قاعازداردىڭ ليستينگ تالاپتارىنا بۇدان بىلاي سايكەس كەلۋ مونيتورينگى;
3) قور بيرجاسىنىڭ ساۋدا جۇيەسىندە جاسالاتىن مامىلەلەردى قاداعالاۋ قىزمەتىن جۇزەگە اسىرۋ بولىپ تابىلاتىن دەربەس بولىمشەلەر كىرەدى.
قازاقستان رەسپۋبليكاسى ۇلتتىق بانكى باسقارماسىنىڭ
2015 جىلعى 19 جەلتوقسانداعى № 249 قاۋلىسىنا 2-قوسىمشا
قور بيرجاسىنىڭ ساۋدا جۇيەسىندە جاسالاتىن مامىلەلەردى قاداعالاۋ
جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ قۇرىلىمدىق بولىمشەسىنىڭ قىزمەتىن جۇزەگە اسىرۋ قاعيدالارى
1. وسى قور بيرجاسىنىڭ ساۋدا جۇيەسىندە جاسالاتىن مامىلەلەردى قاداعالاۋ جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ قۇرىلىمدىق بولىمشەسىنىڭ قىزمەتىن جۇزەگە اسىرۋ قاعيدالارى «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى جانە قور بيرجاسىنىڭ ساۋدا جۇيەسىندە جاسالاتىن مامىلەلەرگە قاداعالاۋ جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ قۇرىلىمدىق بولىمشەسى قىزمەتىنىڭ ءتارتىبىن بەلگىلەيدى جانە قور بيرجاسى بولىپ تابىلاتىن ساۋدا-ساتتىقتى ۇيىمداستىرۋشىعا قولدانىلادى.
2. قور بيرجاسىنىڭ ساۋدا جۇيەسىندە جاسالاتىن مامىلەلەرگە قاداعالاۋ جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ قۇرىلىمدىق بولىمشەسىنىڭ (بۇدان ءارى - قاداعالاۋ بولىمشەسى) نەگىزگى فۋنكتسيالارى بولىپ مىنالار تابىلادى:
1) قور بيرجاسىنىڭ ساۋدا جۇيەسىندە باعالى قاعازدارمەن جانە وزگە دە قارجى قۇرالدارىمەن جاسالعان مامىلەلەردىڭ مونيتورينگى مەن تالداۋىن جۇزەگە اسىرۋ;
2) جاسالۋ پارامەترلەرى مەن تالاپتارى وسى مامىلەلەر باعالى قاعازدار رىنوگىندا مانيپۋلياتسيا جاساۋ ماقساتىندا جاسالعان دەپ بولجاۋ جاساۋعا نەگىز بولاتىن, قور بيرجاسىنىڭ ساۋدا جۇيەسىندە باعالى قاعازدارمەن جانە وزگە دە قارجى قۇرالدارىمەن جاسالعان مامىلەلەردى انىقتاۋ (بۇدان ءارى – كۇماندى مامىلەلەر);
3) كليەنتتى ءتيىستى تەكسەرۋ بويىنشا «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋبليكاسىنىڭ زاڭىندا كوزدەلگەن شارالاردى قابىلداۋ;
4) قور بيرجاسىنىڭ ساۋدا جۇيەسىندە باعالى قاعازدارمەن جانە وزگە دە قارجى قۇرالدارىمەن جاسالعان مامىلەلەردى ايلا-شارعى جاساۋ ماقساتىندا جاسالعان دەپ تانۋ ماسەلەسى بويىنشا قور بيرجاسىنىڭ ساراپتاما كوميتەتىنە (بۇدان ءارى – ساراپتاما كوميتەتى) كۇماندى مامىلەلەر تۋرالى مالىمەتتەر بەرۋ;
5) قور بيرجاسىنىڭ ىشكى قۇجاتتارىندا بەلگىلەنگەن فۋنكتسيالارى.
3. قور بيرجاسىنىڭ قاداعالاۋ بولىمشەسىن باسشى باسقارادى جانە قور بيرجاسىنىڭ اتقارۋشى ورگانىنىڭ مۇشەسى وعان جەتەكشىلىك ەتەدى.
4. قاداعالاۋ بولىمشەسىنىڭ قىزمەتكەرلەرى كۇماندى مامىلەلەردى انىقتاعاندا ەسەپ دايىندايدى, وندا مىنالار قامتىلادى:
1) ونىڭ نەگىزىندە باعالى قاعازدارمەن جانە وزگە دە قارجى قۇرالدارىمەن جاسالعان مامىلە كۇماندىلەردىڭ سانىنا جاتقىزىلعان كريتەريدىڭ سيپاتتاماسى;
2) كۇماندى مامىلەنىڭ پارامەترلەرى جانە قاجەت بولعاندا ونىڭ گرافيكالىق سۋرەتى;
3) ءوزارا بايلانىستى كۇماندى مامىلەلەر توبىنىڭ قۇرامىنا جاتاتىن كۇماندى مامىلە ءۇشىن - مۇنداي مامىلەلەردىڭ پارامەترلەرى جانە قاجەت بولعاندا وسى توپتىڭ گرافيكالىق سۋرەتى;
4) كۇماندى مامىلە باعالى قاعازدار رىنوگىندا مانيپۋلياتسيالاۋ ماقساتىندا جاسالدى دەپ قورىتىندى جاساۋعا مۇمكىندىك بەرەتىن مالىمەتتەر;
5) كۇماندى مامىلەنى جاساۋعا بولجامدى سەبەبى جانە باعالى قاعازعا نەمەسە وزگە قارجى قۇرالىنا نارىقتىق باعانىڭ وزگەرۋىنە وسى مامىلەنىڭ اسەر ەتۋى, سۇرانىس پەن ۇسىنىستاردىڭ اراقاتىناسى جانە (نەمەسە) مامىلە قاتىسۋشىلارىنىڭ كىرىستەرى مەن شىعىندارىنا وسى مامىلەنىڭ اسەرى كەلتىرىلگەن تالداۋ بولىگى;
6) ەسەپتى جاساعان قاداعالاۋ بولىمشەسى قىزمەتكەرىنىڭ قويىلعان قولى;
7) قاداعالاۋ بولىمشەسى باستىعىنىڭ قويىلعان قولى;
8) قاداعالاۋ بولىمشەسىنە جەتەكشىلىك ەتەتىن قور بيرجاسىنىڭ باسقارما مۇشەسىنىڭ ەسەپتى ساراپتاما كوميتەتىنە جىبەرۋ تۋرالى بۇرىشتاماسى.
5. كۇماندى مامىلە تۋرالى ەسەپ وسى مامىلەنى جاساعان كۇننەن كەيىنگى ءبىرىنشى جۇمىس كۇنىنەن كەشىكتىرمەي جاسالادى.
قازاقستان رەسپۋبليكاسى ۇلتتىق بانكى باسقارماسىنىڭ
2015 جىلعى 19 جەلتوقسانداعى № 249 قاۋلىسىنا 3-قوسىمشا
قازاقستان رەسپۋبليكاسىنىڭ كۇشى جويىلدى دەپ تانىلاتىن
نورماتيۆتىك قۇقىقتىق اكتىلەرىنىڭ تىزبەسى
1. «ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنا جانە قور بيرجاسىنىڭ ليستينگتىك كوميسسياسىنىڭ قۇرامىنا قويىلاتىن تالاپتار تۋرالى جانە ساۋدا-ساتتىقتى ۇيىمداستىرۋشىنىڭ ساۋدا جۇيەسىندە جاسالاتىن مامىلەلەرگە قاداعالاۋ جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنىڭ قىزمەتىن جۇزەگە اسىرۋ ەرەجەسىن بەكىتۋ جونىندە» قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2008 جىلعى 28 قاراشاداعى № 195 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5495 تىركەلگەن).
2. «قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنا جانە قور بيرجاسىنىڭ ليستينگتىك كوميسسياسىنىڭ قۇرامىنا قويىلاتىن تالاپتار تۋرالى جانە ساۋدا-ساتتىقتى ۇيىمداستىرۋشىنىڭ ساۋدا جۇيەسىندە جاسالاتىن مامىلەلەرگە قاداعالاۋ جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنىڭ قىزمەتىن جۇزەگە اسىرۋ ەرەجەسىن بەكىتۋ جونىندە» 2008 جىلعى 28 قاراشاداعى № 195 قاۋلىسىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2009 جىلعى 27 ناۋرىزداعى № 61 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5661 تىركەلگەن, 2009 جىلعى 29 مامىردا «زاڭ گازەتى» گازەتىندە № 80 (1503) جاريالانعان).
3. «قور بيرجاسىندا تاۋەكەلدەردى باسقارۋ جۇيەسىنىڭ بولۋىنا قويىلاتىن تالاپتار جونىندەگى نۇسقاۋلىقتى بەكىتۋ جانە قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنا جانە قور بيرجاسىنىڭ ليستينگتىك كوميسسياسىنىڭ قۇرامىنا قويىلاتىن تالاپتار تۋرالى جانە ساۋدا-ساتتىقتى ۇيىمداستىرۋشىنىڭ ساۋدا جۇيەسىندە جاسالاتىن مامىلەلەرگە قاداعالاۋ جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنىڭ قىزمەتىن جۇزەگە اسىرۋ ەرەجەسىن بەكىتۋ جونىندەگى» 2008 جىلعى 28 قاراشاداعى № 195 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2009 جىلعى 30 قاراشاداعى № 244 قاۋلىسىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5991 تىركەلگەن) 2-تارماعى.
4. «ينۆەستيتسيالىق پورتفەلدى باسقارۋدى جۇزەگە اسىراتىن ۇيىمدار ءۇشىن پرۋدەنتسيالىق ءنورماتيۆتى بەلگىلەۋ, ينۆەستيتسيالىق پورتفەلدى باسقارۋدى جۇزەگە اسىراتىن ۇيىمدار ءۇشىن پرۋدەنتسيالىق ءنورماتيۆتى ەسەپتەۋ قاعيدالارىن بەكىتۋ جانە قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە باعالى قاعازدار نارىعى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 3 اقپانداعى № 7 قاۋلىسىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9410 تىركەلگەن, 2014 جىلعى 29 مامىردا «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) بەكىتىلگەن قازاقستان رەسپۋبليكاسىنىڭ باعالى قاعازدار نارىعىنداعى قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزىلەتىن نورماتيۆتىك قۇقىقتىق اكتىلەرى تىزبەسىنىڭ 2-تارماعى.
5. «قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە ساۋدا-ساتتىقتى ۇيىمداستىرۋشىنىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 27 مامىرداعى № 98 قاۋلىسىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9621 تىركەلگەن, 2014 جىلعى 11 تامىزدا «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) بەكىتىلگەن ساۋدا-ساتتىقتى ۇيىمداستىرۋشىنىڭ قىزمەتى ماسەلەلەرى بويىنشا قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ وزگەرىستەر مەن تولىقتىرۋلار ەنگىزىلەتىن تىزبەسىنىڭ 2-تارماعى.
6. «قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 27 تامىزداعى № 168 قاۋلىسىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9796 تىركەلگەن, 2014 جىلعى 12 قاراشادا «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) بەكىتىلگەن قازاقستان رەسپۋبليكاسىنىڭ وزگەرىستەر مەن تولىقتىرۋلار ەنگىزىلەتىن نورماتيۆتىك قۇقىقتىق اكتىلەرى تىزبەسىنىڭ 8-تارماعى.
7. «ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنا جانە قور بيرجاسىنىڭ ليستينگتىك كوميسسياسىنىڭ قۇرامىنا قويىلاتىن تالاپتار تۋرالى جانە ساۋدا-ساتتىقتى ۇيىمداستىرۋشىنىڭ ساۋدا جۇيەسىندە جاسالاتىن مامىلەلەرگە قاداعالاۋ جونىندەگى قىزمەتتى جۇزەگە اسىراتىن ساۋدا-ساتتىقتى ۇيىمداستىرۋشىنىڭ ۇيىمدىق قۇرىلىمىنىڭ قىزمەتىن جۇزەگە اسىرۋ ەرەجەسىن بەكىتۋ جونىندە» قازاقستان رەسپۋبليكاسىنىڭ قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2008 جىلعى 28 قاراشاداعى № 195 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2015 جىلعى 24 ساۋىردەگى № 56 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11291 تىركەلگەن, 2015 جىلعى 23 مامىردا «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان).
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 3 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12998 بولىپ ەنگىزىلدى.