استانا. 26 ءساۋىر. اۋعانستاننىڭ تۇركمەنستانمەن شەكارالاس جاتقان بادگيس پروۆينتسياسىنداعى كاديس ۋەزدىنىڭ ءبىر بولىگى «تاليبان» لاڭكەستەرىنىڭ قاراماعىنا ءوتتى. بۇل تۋرالى «ينتەرفاكس» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
مالىمەتتەر بويىنشا, اتالعان توپتىڭ سودىرلارى كاديس – كالاي-ناۋ تاس جولىن جاۋىپ العان. كاديس ۋەزدىنىڭ باسشىسى شابۋىل كەزىندە 1 پوليتسەيدىڭ جاراقات العانىن, ال قارسى توپتان 5 ەكسترەميستىڭ كوزى جويىلعانىن مالىمدەدى. سونداي-اق, ونىڭ ايتۋىنشا, قاقتىعىس ءالى دە جالعاسادى.
بادگيس پروۆينتسياسى گۋبەرناتورىنىڭ ءباسپاسوز حاتشىسى حالەد سوفي ۇكىمەت اسكەرى قالانى لاڭكەستەردەن قۇتقارۋ ءۇشىن بارىن جاساپ جاتقانىن ايتتى.
ال اۋعانستاننىڭ قورعانىس مينيسترلىگى وتكەن كۇنى «تاليبان» توبىنا قارسى ارنايى وپەراتسيالار كەزىندە 33 تەررورشىنىڭ قازا تاۋىپ, 29 سودىردىڭ جارالانعانىن حابارلادى.
ايان ءابدۋالي.
دەرەك: «ينتەرفاكس».
فوتو: tvc.ru.