قىزىلوردا قالاسىنداعى تۇرعىن ۇيلەردىڭ بىرىندە ءورت شىعىپ, جالىن ءتورتىنشى قاباتتاعى پاتەردىڭ بالكونىنان تاراعان, دەپ جازادى Egemen.kz.
وقيعا ورنىنا جاقىن جەردە بولعان پوليتسيا قىزمەتكەرلەرى قايسار ماماداليەۆ, رۋسلان باۋرجان ۇلى, نۇرجان ناعاشىباي دەرەۋ ورت شىققان جەرگە بەت الىپ, ءورت سوندىرۋشىلەردىڭ كەلۋىن كۇتپەي-اق پاتەردەگى جالىندى سوندىرۋگە كىرىسكەن.
سونداي-اق ولار پاتەردە ۇيىقتاپ جاتقان ەكى بالانى وياتىپ, قاۋىپتى ايماقتان الىپ شىققان. وسىلايشا پوليتسەيلەردىڭ باتىل قادامىنىڭ ارقاسىندا قايعىلى جاعدايدىڭ الدى الىنىپ, بالالار قۇتقارىلعان. كەيىن وقيعا ورنىنا قوسىمشا كۇشتەر مەن توتەنشە قىزمەتتەر كەلىپ, جاعداي تولىق باقىلاۋعا الىنعان.
ايتا كەتەيىك, 13 ءساۋىر كەشكى ساعات شامامەن 21:27-دە استانادا كوپقاباتتى ۇيدەن ءورت شىعىپ, بالالار قۇتقارىلدى. سونداي-اق 12 ساۋىرگە قاراعان ءتۇنى استانانىڭ ەسىل اۋدانى تۇركىستان كوشەسىندە ورنالاسقان 21 قاباتتى تۇرعىن ءۇيدىڭ 15-قاباتىنداعى پاتەردەن ءورت شىعىپ, 3 بالانىڭ ءمايىتى تابىلدى. ولاردىڭ اناسى اۋرۋحاناعا جەتكىزىلگەن ەدى. دارىگەرلەر 39 جاستاعى ايەلدىڭ جاعدايىنىڭ اۋىر ەكەنىن مالىمدەدى.