اقتاۋدا كاسپي تەڭىزىنىڭ جاعاسىندا يتبالىقتاردىڭ ولەكسەلەرى تاعى دا تابىلدى. ماماندار سۋ سىنامالارىن الدى, دەپ حابارلايدى Egemen.kz ماڭعىستاۋ وبلىسىنىڭ ەكولوگيا دەپارتامەنتىنە سىلتەمە جاساي وتىرىپ.
اقتاۋدا كاسپي تەڭىزىنىڭ جاعاسىندا يتبالىقتاردىڭ ولەكسەلەرىن تابۋدىڭ جاڭا فاكتىلەرى تۋرالى ماڭعىستاۋ وبلىسىنىڭ ەكولوگيا دەپارتامەنتى Instagram-دا حابارلادى.
24 مامىردا ماڭعىستاۋ وبلىسى بويىنشا ەكولوگيا دەپارتامەنتىنىڭ زەرتحانالىق-تالدامالىق باقىلاۋ ءبولىمىنىڭ ماماندارى اقتاۋ قالاسىنىڭ «شاعالا» دەمالىس ايماعى اۋدانىندا كاسپي تەڭىزىنىڭ جاعالاۋىندا تەڭىز سۋىنىڭ سىنامالارىن العانى حابارلاندى.
الەۋمەتتىك جەلىلەردە يتبالىقتاردىڭ ولەكسەلەرى تابىلعان بەينەجازبادان كەيىن سىنامالار الىنىپ, تالداۋ جۇرگىزىلگەنى ايتىلدى.
«تالداۋ ناتيجەلەرى قوسىمشا حابارلاناتىن بولادى», - دەپ حابارلادى ۆەدومستۆودان.
ەستەرىڭىزگە سالا كەتەيىك, ءساۋىر ايىنىڭ ورتاسىندا كاسپي تەڭىزىنىڭ جاعاسىنان 97 يتبالىقتىڭ ولەكسەسى تابىلعان ەدى. ماماندار يتبالىقتار ناۋرىز ايىنىڭ باسىندا ولگەندىگىن ايتتى.
كەيىن كاسپي جاعالاۋىنان تابىلعان يتبالىقتاردىڭ ولىكسەسى 200-گە جەتتى.
سونىمەن قاتار, ناۋرىز ايىندا كاسپي جاعالاۋىندا اققۋلاردىڭ جاپپاي قىرىلۋى تىركەلگەن بولاتىن.