فيليپپين استاناسى مانيلانىڭ حالقى تىعىز قونىستانعان كەدەي اۋداندارىنىڭ بىرىندە ءورت شىقتى. جۇزدەگەن وتباسى ۇيلەرىن تاستاپ قاشۋعا ءماجبۇر بولدى, دەپ حابارلايدى Egemen.kz.
Manila Bulletin باسىلىمىنىڭ مالىمەتىنشە, 1000-نان استام عيمارات جانىپ كەتكەن. قازا تاپقاندار مەن زارداپ شەككەندەر تۋرالى ازىرگە اقپارات جاريالانعان جوق.
ءىرى ءورت كەشە تۇستەن كەيىن توندو اۋدانىنداعى تۇرعىن ءۇي سەكتورىندا باستالعان. بيلىك بەسىنشى دەڭگەيلى دابىل جاريالاپ, تەز تارالعان جالىندى اۋىزدىقتاۋعا تىرىسقان.
قوستانايدا ساياجايدان ءورت شىقتى
وقيعا ورنىندا ءورت سوندىرۋشىلەر ءفيليپپيننىڭ قىزىل كرەست ۇيىمىمەن بىرلەسىپ جۇمىس ىستەپ, ءورتتى وقشاۋلاۋعا جانە تۇرعىنداردىڭ قاۋىپسىزدىگىن قامتاماسىز ەتۋگە كۇش سالدى. سونىمەن قاتار جەرگىلىكتى تۇرعىندار دا شەلەكپەن سۋ تاسىپ, الاپات وتپەن كۇرەسۋگە ارەكەت جاساعان. كەيبىر وتباسىلار كوشەدە قالىپ, ءۇيىندى استىنان امان قالعان زاتتارىن الىپ شىعۋعا تىرىستى.
مانيلا اكىمشىلىگى الەۋمەتتىك قامسىزداندىرۋ جانە دامۋ مينيسترلىگىمەن بىرگە زارداپ شەككەن وتباسىلارعا قارجىلاي كومەك پەن قولداۋ شارالارىن جاريالادى.
رۋدنىيدا كوپقاباتتى ۇيدەن شىققان ورتتەن ادامدار قۇتقارىلدى
ءورت بۇگىن تاڭەرتەڭ تولىق ءسوندىرىلدى. ءورتتىڭ شىعۋ سەبەبى ازىرگە انىقتالعان جوق, ال بيلىك كەلتىرىلگەن شىعىن كولەمىن انىقتاپ جاتىر.