ەلىمىزدە ازاماتتاردىڭ دەربەس دەرەكتەرىن يەمدەنۋگە باعىتتالعان تەلەفون الاياقتارىنىڭ ارەكەتى جيىلەپ وتىر. وسىعان بايلانىستى ۇلتتىق بانك تۇرعىنداردى ساق بولۋعا شاقىرادى, دەپ جازادى Egemen.kz.
سىلتەمەگە وتكەن جاعدايدا قولدانۋشى ەكىنشى دەڭگەيلى بانك نەمەسە ميكروقارجى ۇيىمىنىڭ رەسمي سايتىنا ۇقساس جالعان پلاتفورماعا تاپ بولۋى مۇمكىن. وندا ازاماتتان لوگين, تەلەفون ءنومىرى, جەكە كۋالىك دەرەكتەرى, بانك كارتاسىنىڭ مالىمەتتەرى سياقتى قۇپيا اقپاراتتى ەنگىزۋ تالاپ ەتىلەدى.
كەيبىر جاعدايلاردا مۇنداي سىلتەمەلەر ارقىلى تەلەفونعا زياندى فايل نەمەسە قوسىمشا جۇكتەلەدى. ول ورناتىلعان سوڭ قاسكويلەر قۇرىلعىنى قاشىقتان باسقارۋعا جانە جەكە دەرەكتەرگە قول جەتكىزۋگە مۇمكىندىك الادى.
تسيفرلىق تەڭگە – ينۆەستيتسيالىق قۇرال ەمەس: ۇلتتىق بانك ازاماتتارعا ەسكەرتۋ جاسادى
وسىعان بايلانىستى ۇلتتىق بانك كۇماندى سىلتەمەلەرگە وتپەۋگە كەڭەس بەرەدى. قاجەت بولعان جاعدايدا ازاماتتار وزدەرىنىڭ نەسيە تاريحىن مەملەكەتتىك كرەديتتىك بيۋرو سايتى نەمەسە ەلەكتروندىق ۇكىمەت پورتالى ارقىلى تەكسەرە الادى. سونىمەن قاتار «ستوپ-كرەديت» قىزمەتىن قوسۋ ارقىلى ونلاين نەسيە راسىمدەۋگە شەكتەۋ قويۋعا بولادى.
رەتتەۋشى ورگان سونداي-اق ءوز قىزمەتكەرلەرى اۋديو نەمەسە بەينەقوڭىراۋ شالمايتىنىن, جەكە تۇلعالاردىڭ شوتىنا قىزمەت كورسەتپەيتىنىن جانە قانداي دا ءبىر قارجى ونىمدەرىنە ينۆەستيتسيا سالۋعا شاقىرمايتىنىن ەسكە سالدى. بۇدان بولەك, ەسكە سالايىق, ۇلتتىق بانك ساقتاندىرۋ قىزمەتىمەن اينالىسپايدى جانە حالىقپەن تىكەلەي اقشالاي ەسەپ ايىرىسپايدى.
ەگەر ازاماتتار الاياقتىق ارەكەتكە تاپ بولسا, قۇقىق قورعاۋ ورگاندارىنا جۇگىنۋ قاجەت. ال كەڭەس الۋ ءۇشىن ۇلتتىق بانكتىڭ بايلانىس ورتالىعىنا 1477 قىسقا ءنومىرى ارقىلى حابارلاسۋعا بولادى.
ۇلتتىق بانك الەمدىك فۋتبول دوداسىنا ارنالعان كوللەكتسيالىق مونەتالار شىعارادى